மத்திய அரசின் தடையையும் மீறி, Toronto தீவு விமான நிலையம் விரிவுபடுத்தப்படும் என Doug Ford நம்பிக்கை தெரிவித்தார்.
வியாழக்கிழமை (13) நடைபெற்ற ஒரு செய்தியாளர் சந்திப்பில் பேசிய Doug Ford, தனது அரசாங்கம் அந்த விமான நிலையத்தை “மாற்றி அமைக்கும்” என தான் உறுதியாக நம்புவதாக கூறினார்.
கடந்த மாதம் Doug Ford அரசாங்கம் முன்வைத்த Toronto Billy Bishop விமான நிலைய விரிவுபடுத்தல் முன்மொழிவை Mark Carney அரசாங்கம் நிராகரித்தது
Billy Bishop விமான நிலையத்தை விரிவுபடுத்துவதற்கான முயற்சியில் தனது அரசாங்கம் இறுதியில் வெற்றி பெறும் என நம்புவதாக Ontario மாகாண முதல்வர் Doug Ford கூறுகிறார்.
Jet விமானங்கள் தரையிறங்க அனுமதிக்க ஏதுவான வகையில் இந்த விரிவாக்கத்தை அவர் எவ்வாறு சாதிக்கப் போகிறார் என்பதை Doug Ford குறிப்பிடவில்லை.
Billy Bishop விமான நிலையம் அமைந்துள்ள நிலமானது, முன்னர் Toronto நகரம், மத்திய அரசு, Toronto துறைமுக ஆணையம் ஆகியவற்றுக்கு இடையே இருந்த ஒரு முத்தரப்பு ஒப்பந்தத்தின்படி நிர்வகிக்கப்படுகிறது.
ஆனாலும் இதில் நகரத்தின் பங்கை மாகாணம் இந்த ஆண்டின் ஆரம்பத்தில் ஏற்றுக்கொண்டது
அங்கு Jet விமானங்களை பயன்படுத்தும் யோசனைக்கு எதிராகவே பெரும்பாலும் அமைந்த கலந்தாய்வுக்கு பின்னர், கடந்த மாதம் Doug Ford அரசின் முன்மொழிவை பிரதமர் Mark Carney அரசாங்கம் நிராகரித்தது.
ஆனாலும் Doug Ford தனது நிலைப்பாட்டை மீண்டும் வியாழனன்று வலியுறுத்தினார்.
இந்த விமான நிலைய விரிவாக்கம் பொருளாதாரத்தை மேம்படுத்தி, பயணிகளுக்கு மேலும் வசதியான பயணத் தேர்வுகளையும் குறைந்த கட்டணங்களையும் வழங்கும் எனவும் அவர் கூறினார்.
இந்த விடயத்தில் மேலும் கருத்துக் கணிப்புகளை நடத்துமாறு கோரி உள்ளதாகவும் முதல்வர் குறிப்பிடுகிறார்.
இதில் கலந்தாய்வின் முடிவுகள் தெளிவாக இருந்ததாகக் கூறிய Mark Carney, அங்கு Jet விமானங்களை அனுமதிப்பதை நிரந்தரமாகத் தவிர்க்கவில்லை எனவும் தெரிவித்துள்ளார்.
