அமெரிக்க வரிக் கட்டணங்களை தவிர்ப்பதில் சீனாவின் ‘மிகப்பெரிய உதவியாளர்களில்’ கனடாவும் ஒன்று என அமெரிக்கா கூறுகிறது.
அமெரிக்காவின் இறக்குமதி வரிகளை தவிர்ப்பதில் சீனாவுக்கு உதவும் “மிகப்பெரிய நாடுகளில்” ஒன்றாக கனடாவை Donald Trump நிர்வாகம் கருதுவதாக வெள்ளை மாளிகையின் புதிய வர்த்தக அறிக்கை ஒன்று தெரிவிக்கிறது.
இது பில்லியன் கணக்கான வரி வருவாய் இழப்பை ஏற்படுத்தும் ஒரு “நவீனக் கடத்தல் வடிவம்” ஆகும் என அமெரிக்கா கூறுகிறது.
அமெரிக்க வியாபாரம், உற்பத்தித் துறை கொள்கை அலுவலகத்தால் வியாழக்கிழமை (13) இந்த அறிக்கை வெளியிடப்பட்டது.
கனடா உட்பட சுமார் 40 நாடுகள், சீனாவால் பயன்படுத்தப்படும் ஒரு “மறைமுக சரக்கு மாற்று ஏற்றுமதி வலைப்பின்னலை” உருவாக்குகின்றன என்று அந்த அறிக்கை குற்றம் சாட்டுகிறது.
CUSMA ஒப்பந்தத்தின் கீழ் உள்ள வரிவிலக்கு சலுகைகளை சீனா பயன்படுத்திக் கொள்வதாக வியாழன்று வெளியான அறிக்கை சுட்டிக்காட்டுகிறது.
