Toronto Billy Bishop விமான நிலையத்தின் எதிர்கால விரிவாக்கத்தை பிரதமர் நிராகரிக்கவில்லை.
எதிர்காலத்தில் பெரிய விமான நிலையத்திற்கு ஒப்புதல் அளிப்பது குறித்து தனது அரசு பரிசீலிக்குமா என்பது குறித்த செய்தியாளர்களின் கேள்விகளுக்கு அவர் நேரடியாக பதிலளிக்கவில்லை.
மாறாக, நாடளாவிய ரீதியில் உள்ள போக்குவரத்து ஏற்பாடுகள் குறித்த ஒரு பரந்த விவாதத்தின் ஒரு பகுதியாக அவர் தனது பதிலை அமைத்தார்.
Billy Bishop விமான நிலையத்தை விரிவுபடுத்துவதற்கான Ontario அரசின் திட்டங்களை மத்திய அரசாங்கம் நிறுத்தி வைத்த இரண்டு வாரங்களுக்கும் குறைவான காலத்தில் பிரதமரின் இந்தக் கருத்து வெளிவந்துள்ளன.
Billy Bishop விவகாரம் தொடர்பான முடிவின் விளைவுகள் மாகாண, மாநில அரசியலில் தொடர்ந்து எதிரொலித்து வரும் சூழலில் பிரதமரின் கருத்துகள் வெளியாகியுள்ளன.
Mark Carney தலைமையின் கீழ் மேற்கொள்ளப்படும் முக்கிய உள்கட்டமைப்புத் திட்டங்களுக்கு இந்த விமான நிலைய முடிவு ஒரு மோசமான அறிகுறி என Ontario மாகாண போக்குவரத்து அமைச்சர் Prabmeet Sarkaria விமர்சித்திருந்தார்.
இந்த விமான நிலைய விரிவாக்கத்தை தீவிரமாக எதிர்ப்பவரான Toronto நகர முதல்வர் Olivia Chow உள்ளார்.
இந்த் விமான நிலைய விரிவாக்க நடவடிக்கையின் ஒரு பகுதியாகக் கையகப்படுத்தப்பட்ட Toronto நகர சபையின் நிலத்தை திரும்ப வழங்குமாறு Doug Ford அரசாங்கத்தை வலியுறுத்த, நகரசபையில் உள்ள விமான நிலைய எதிர்க்கட்சியினரை Olivia Chow ஒருங்கிணைத்து உள்ளார்.
ஆனால், தாங்கள் எந்த நிலத்தையும் திரும்ப வழங்கவில்லை என மாகாண அரசாங்க தெளிவாகத் தெரிவித்துள்ளது.
