Ontario மாகாண சபையில் வெற்றிடமாக உள்ள மூன்று தொகுதிகளில் இடைத்தேர்தல் நடைபெறுகிறது.
September மாத ஆரம்பத்தில் மூன்று இடைத்தேர்தல்களை முதல்வர் Doug Ford அறிவித்துள்ளார்.
Scarborough Southwest, York-Simcoe, Hamilton East-Stoney Creek ஆகிய தொகுதிகளில் இந்த இடைத் தேர்தல் நடைபெறுகிறது.
இந்த தொகுதிகளில் இடைத் தேர்தல்களை Doug Ford புதன்கிழமை (05) அறிவித்துள்ள நிலையில், அங்குள்ள வாக்காளர்கள் September 3-ஆம் திகதி வாக்களிக்கவுள்ளனர்.
இதில் Scarborough Southwest தொகுதி கடந்த February மாதம் முதல் வெற்றிடமாக உள்ளது.
NDP கட்சியின் சார்பில் அந்தத் தொகுதியில் மாகாண சபை உறுப்பினராக இருந்த Doly Begum தனது பதவியில் இருந்து விலகியிருந்தார்.
மத்திய இடைத் தேர்தலில் ஆளும் Liberal கட்சிக்காக போட்டியிட்ட அவர் அந்தத் தேர்தலில் வெற்றி பெற்று நாடாளுமன்ற உறுப்பினரானார்.
இங்கு நான்கு முக்கிய கட்சிகள் தங்கள் வேட்பாளர்களை அறிவித்துள்ளன.
இந்தத் தொகுதியின் இடைத் தேர்தல் வேட்பாளர்களாக Progressive Conservative கட்சியின் சார்பில் Dr. Noor Tarun, NDP சார்பில் Fatima Shaban, Liberal கட்சியின் Ahsanul Hafiz, பசுமை கட்சியின் சார்பில் Mark Bekkering ஆகியோர் அறிவிக்கப்பட்டுள்ளனர்.
Dr. Noor Tarun, Fatima Shaban, Mark Bekkering ஆகியோர் இத்தொகுதியில் நடைபெற்ற முந்தைய தேர்தல்களில் போட்டியிட்டுள்ள நிலையில் அவர்கள் வாக்காளர்களுக்கு நன்கு அறிமுகமானவர்களாக இருப்பார்கள்.
முன்னாள் அமைச்சர் Caroline Mulroney கடந்த June மாதம் பதவி விலகிய நிலையில் York-Simcoe தொகுதி வெற்றிடமானது.
இந்த நிலையில் அங்கும் இடைத் தேர்தல் நடைபெறுகிறது.
அங்கு Progressive Conservative கட்சியின் வேட்பாளராக Susan Lahey, Liberal கட்சியின் வேட்பாளராக Naomi Davison, பசுமை கட்சியின் வேட்பாளராக Matt Pearce நியமிக்கப்பட்டனர்.
அங்கு NDP வேட்பாளர் இதுவரை நியமிக்கப்படவில்லை.
மற்றொரு அமைச்சரான Neil Lumsden பதவி விலகியது, Hamilton East-Stoney Creek தொகுதியிலும் ஒரு இடைத் தேர்தலுக்கு வழிவகுத்துள்ளது.
இங்கு மூன்று கடசிகள் தமது வேட்பாளர்களை அறிவித்துள்ளது.
Progressive Conservative கடசிகள் வேட்பாளராக Jeff Beattie, Liberal கட்சியின் வேட்பாளராக Heino Doessing, பசுமை கட்சியின் வேட்பாளராக Pascale Marchand ஆகியோர் அறிவிக்கப்பட்டனர்.
அங்கும் NDP வேட்பாளர் இதுவரை நியமிக்கப்படவில்லை.
