Mississauga நகர முதல்வர் தேர்தலில் போட்டியிடுவது குறித்து பரிசீலித்து வருவதாக Bonnie Crombie தெரிவித்தார்.
முன்னாள் நகர முதல்வர் Bonnie Crombie மீண்டும் தலைமைப் பதவிக்கு போட்டியிட கூடும் என்ற யூகங்களுக்கு மத்தியில், தனது அடுத்த கட்ட நடவடிக்கைகள் குறித்து ஆலோசித்து வருவதாக அவர் கூறினார்.
Bonnie Crombie 2014 முதல் 2024 வரை, ஒரு தசாப்த காலமாக Mississauga நகரத்தின் முதல்வராக இருந்தார்.
2023-ல் Ontario Liberal கட்சித் தலைமைப் போட்டியில் வெற்றி பெற்ற பின்னர், அவர் தனது பதவியிலிருந்து விலகி மாகாண அரசியலில் நுழைந்தார்.
February 2025-ல் Doug Ford தலைமையிலான PC கட்சியிடம் தேர்தலில் தோல்வியடைந்ததை தொடர்ந்தும், September-ல் தனது கட்சியின் பலவீனமான தலைமை மதிப்பாய்வின் காரணமாகவும் Liberal கட்சித் தலைவர் பதவியில் இருந்து விலகிய ஒரு வருடத்திற்கும் குறைவான காலத்தில், Bonnie Crombie மீண்டும் நகரசபை அரசியலுக்குத் திரும்ப வாய்ப்புள்ளது.
இந்த நிலையில் தனது எதிர்காலத் திட்டங்கள் குறித்து “வரும் வாரங்களில் மேலும் தெரிவிப்பேன்” என Bonnie Crombie கூறினார்.
ஆனாலும் அவரது போட்டியாளர்கள் Bonnie Crombie மீண்டும் நகரசபை அரசியலுக்குத் திரும்புவது குறித்து கடுமையான விமர்சனங்களை முன்வைத்துள்ளனர்.
நகர முதல்வர் பதவிக்கு போட்டியிடும் இரண்டாம் வட்டார நகரசபை உறுப்பினர் Alvin Tedjo, Bonnie Crombie மீண்டும் நகர தலைமைக்கு போட்டியிடும் எண்ணத்தை கடுமையாகச் சாடினார்.
Bonnie Crombie, Mississauga நகரத்தை ஒரு மாற்றுத் திட்டமாக கருதுகிறார் என கூறும் Alvin Tedjo, நகர குடியிருப்பாளர்கள் இதைவிடச் சிறந்த வேட்பாளர்களுக்கு தகுதியானவர்கள் என கருதுவதாக தெரிவித்தார்.
Bonnie Crombie தேர்தலில் போட்டியிடுவதாக அறிவிக்கும் வரை, தான் விவாதங்களில் பங்கேற்க போவதில்லை எனவும், கருத்து எதுவும் தெரிவிக்கப் போவதில்லை எனவும் தற்போதைய நகர முதல்வர் Carolyn Parish தனது பங்கிற்கு கூறினார்.
ஆனாலும் Bonnie Crombie நகரசபைத் தேர்தலில் போட்டியிட நேர்ந்தால், அவருக்கு Ontario மாகாண முதல்வர் Doug Ford ஒரு போட்டியாளராக இருக்க வாய்ப்புள்ளது.
March மாதம், Bonnie Crombie மீண்டும் நகர முதல்வர் பதவிக்கு போட்டியிடுவதற்கான சாத்தியக்கூறு குறித்து கேட்கப்பட்ட போது, அப்படி நடந்தால், Carolyn Parish-க்கு ஆதரவளிப்பதை உறுதிசெய்ய,
Mississauga-விற்கு ஒரு “படையையே அனுப்புவேன்” என Doug Ford கூறினார்
Bonnie Crombie நகர முதல்வராக இருந்தபோது, அவரும் முதல்வர் Doug Ford-டும் பல்வேறு விடயங்கள் குறித்து கருத்து வேறுபாட்டை கொண்டிருந்தனர்.
தவிரவும் Bonnie Crombie நகரசபைத் தேர்தலில் போட்டியிட்டால், அவர் பலத்த போட்டி நிறைந்த களத்தில் நுழைவார்.
Mississauga நகர முதல்வர் பதவிக்கு போட்டியிட ஏழு வேட்பாளர்கள் ஏற்கனவே பதிவு செய்துள்ளனர்.
இதில் Carolyn Parrish, Alvin Tedjo, நகரசபை உறுப்பினர் Dipika Damerla ஆகியோர் அடங்குகின்றனர்.
இந்தத் தேர்தலில் வாக்காளர்கள் October 26 அன்று வாக்களிக்கின்றனர்.
