பொது மக்களை ஆயுதத்தால் தாக்கியதாகவும், பல வாகனங்களை சேதப்படுத்தியதாகவும் கூறப்படும் தமிழருக்கு எதிரான குற்றச்சாட்டுகள் பதிவு செய்யப்பட்டுள்ளன.
41 வயதான தர்ஷன் தபராணந்தம் இந்த தாக்குதல் விசாரணை தொடர்பாக குற்றம் சாட்டப்பட்டுள்ளார்.
இவருக்கு எதிராக 19 குற்றச்சாட்டுகள் Toronto காவல்துறையினரால் பதிவு செய்யப்பட்டுள்ளன.
வெள்ளிக்கிழமை (12) இரவு Coxwell and Danforth சந்திப்புகளுக்கு அருகாமையில் நடந்த இந்த தாக்குதல்கள் தொடர்பான காவல்துறை தகவல் வெளியிட்டுள்ளது.
இதில் நிலையான முகவரி இல்லாத தர்ஷன் தபராணந்தம் கைது செய்யப்பட்டுள்ளார்.
அவர் சனிக்கிழமை (13) நீதிமன்றத்தில் முன்னிலைப்படுத்தப்பட்டார்.
இந்தத் தாக்குதல் விசாரணை தொடர்ந்து நடைபெற்று வருகிறது.
இவரினால் பாதிக்கப்பட்டவர்களும் அதற்கு சாட்சிகளும் மேலும் பலர் இருப்பதாக புலனாய்வாளர்கள் நம்புகின்றனர்.
இதில் தகவல் தெரிந்த எவரும் தம்மை தொடர்பு கொள்ளுமாறு அவர்கள் கேட்டுக்கொண்டுள்ளனர்.
இதில் உதவும் வகையில் குற்றம் சாட்டப்பட்டவரின் புகைப்படம் காவல்துறையினரால் வெளியிடப்பட்டுள்ளது.
இவருக்கு எதிரான குற்றசாட்டுகள் எதுவும் நீதிமன்றத்தில் இதுவரை நிரூபிக்கப்படவில்லை.
