Quebec NDP நாடாளுமன்ற உறுப்பினர் Alexandre Boulerice பதவி விலகவுள்ளார்.
Québec Solidaire கட்சி சார்பில் மாகாண ரீதியில் போட்டியிட தீர்மானித்த நிலையில் தனது நாடாளுமன்ற உறுப்பினர் பதவியில் இருந்து விலக அவர் முடிவு செய்துள்ளதாக தகவலறிந்த வட்டாரங்கள் தெரிவிக்கின்றன.
Rosemont-La Petite-Patrie மத்திய தொகுதியின் NDP பிரதிநிதியான Alexandre Boulerice, திங்கட்கிழமை (27) நடைபெறும் செய்தியாளர் சந்திப்பில் தனது பதவி விலகல் முடிவை அதிகாரப்பூர்வமாக அறிவிப்பார் என எதிர்பார்க்கப்படுகிறது.
மத்திய NDP கட்சியின் புதிய தலைவரான Avi Lewis தெரிவான ஒரு மாதத்திற்கும் குறைவான காலத்தில் இந்த பதவி விலகல் செய்தி வெளியாகிறது.
இந்த பதவி விலகல் NDP கட்சிக்கு நாடாளுமன்றத்தில் ஐந்து ஆசனங்கள் மட்டுமே எஞ்சி இருக்கும் நிலையை தோற்றுவிக்கும்.
தவிரவும் கட்சிக்கு Quebec மாகாணத்தில் நாடாளுமன்ற உறுப்பினர்கள் எவரும் இருக்க மாட்டார்கள் என்பது இங்கு குறிப்பிடத்தக்கது.
கடந்த சில மாதங்களில் NDP கட்சியில் இருந்து விலகும் இரண்டாவது நாடாளுமன்ற உறுப்பினர் Alexandre Boulerice ஆவார்.
Nunavut NDP நாடாளுமன்ற உறுப்பினர் Lori Idlout கடந்த March மாதம் Liberal அரசில் இணைவதற்காக கட்சி மாறியதை தொடர்ந்து இந்த பதவி விலகல் அறிவித்தல் வெளியாகிறது
Alexandre Boulerice-ரை கட்சியில் நீடிக்குமாறு புதிய NDP தலைவர் Avi Lewis அண்மைய வாரங்களில் பலமுறை பகிரங்கமாக கோரி வந்தது இங்கு குறிப்பிடத்தக்கது.
