அடுத்த தேர்தல் குறித்த கேள்விகளை Toronto நகர முதல்வர் Olivia Chow தவிர்க்கிறார்.
அடுத்த மாநகர சபை தேர்தல் நடைபெறுவதற்கு எட்டு மாதங்கள் மாத்திரமே உள்ளது.
இந்த நிலையில் இந்தத் தேர்தலில் மீண்டும் நகர முதல்வர் பதவிக்கு போட்டியிடுவது குறித்து கருத்து தெரிவிப்பதை Olivia Chow தவிர்த்தார்.
அடுத்த Toronto நகர முதல்வர் தேர்தலில் போட்டியிடும் எண்ணத்தை நகர சபை உறுப்பினர் Brad Bradford ஏற்கனவே வெளியிட்டுள்ளார்.
அடுத்த நகரசபைத் தேர்தல் October 26-ஆம் திகதி நடைபெறவுள்ளது.
இந்தத் தேர்தலுக்கான வேட்புமனுக்கள் August 21-ஆம் திகதி வரை ஏற்றுக்கொள்ளப்படும்.
முன்னாள் நகர முதல்வர் John Tory இந்தத் தேர்தலில் போட்டியிடுவார் என பரவலாக எதிர்பார்க்கப்படுகிறது.
இந்த விடயம் குறித்து திங்கட்கிழமை செய்தியாளர்கள் கேள்வியெழுப்பிய போதிலும் Olivia Chow நேரடியாக பதில் எதையும் தெரிவிக்கவில்லை.
