சீனா கனடாவை கைப்பற்றும் என அமெரிக்க ஜனாதிபதி Donald Trump தெரிவித்தார்.
“கனடா திட்டமிட்டு தன்னைத் தானே அழித்துக் கொள்கிறது” எனத் தெரிவித்த Donald Trump, சீனாவுடனான கனடாவின் ஒப்பந்தத்தை ஒரு “பேரழிவு” என அழைத்தார்.
வரலாற்றில் எந்தக் காலத்திலும் இல்லாத மோசமான ஒப்பந்தங்களில் ஒன்றாக இது அமையும் என அமெரிக்க ஜனாதிபதி ஞாயிற்றுக்கிழமை (25) தெரிவித்தார்.
கடந்த வாரம் Mark Carney சீனாவுக்கு பயணம் மேற்கொண்டார்.
அங்கு வரிகளைக் குறைப்பதற்கான “பூர்வாங்க ஆனால் முக்கிய வர்த்தக ஒப்பந்தம்” ஒன்று இரு நாடுகளுக்கும் இடையில் எட்டப்பட்டது.
ஆனால் இந்த ஒப்பந்தம் நிறைவேறினால் அமெரிக்காவுக்குள் செல்லும் அனைத்து கனடிய பொருட்களுக்கு 100 சதவீத வரி விதிக்கப்படும் என Donald Trump எச்சரித்தார்.
ஆனாலும் கனடா சீனாவுடன் சுதந்திர வர்த்தக ஒப்பந்தத்தை செய்ய விரும்பவில்லை என கனடிய பிரதமர் சனிக்கிழமை (24) வலியுறுத்தியுள்ளார்.
கனடா-அமெரிக்கா-Mexico ஒப்பந்தத்தின் கீழ் ஒரு சிறப்புப் பிரிவு, சீனா போன்ற நாடுகளுடன் சுதந்திர வர்த்தக ஒப்பந்தங்களில் ஈடுபடுவதை தடுக்க வடிவமைக்கப்பட்டுள்ளது எனவும் Mark Carney கூறினார்.
LJI Reporter ரம்யா சேது
