2025-ஆம் ஆண்டு முடிவடையும் நிலையில், Mark Carney தலைமையிலான Liberal கட்சி Conservative கட்சியை விட கருத்து கணிப்பில் முன்னிலை வகிக்கிறது.
சமீபத்திய Ipsos கருத்துக்கணிப்பில் Conservative கட்சியை விட Liberal கட்சி 3 சதவீதம் முன்னிலை வகிக்கின்றது.
பிரதமர் Mark Carney-யை அவரது Liberal கட்சியை விட அதிகமான கனடியர்கள் ஆதரிப்பதாக இந்த புதிய கருத்துக் கணிப்பு தெரிவிக்கிறது.
செவ்வாய்க்கிழமை (16) வெளியிடப்பட்ட கருத்துக் கணிப்பு, உடனடியாக தேர்தல் நடத்தப்பட்டால் 40 சதவீத வாக்காளர்கள் Liberal கட்சிக்கு வாக்களிப்பார்கள் என்பதைக் காட்டுகிறது.
Conservative கட்சிக்கான ஆதரவு 37 சதவீதமாக உள்ளது.
கடந்த September மாதத்திலிருந்து இந்த எண்ணிக்கை முறையே மூன்று மற்றும் இரண்டு புள்ளிகள் குறைந்துள்ளது.
அதேநேரத்தில் NDP, Bloc Québécois கட்சிகள் இந்த காலகட்டத்தில் தலா இரண்டு புள்ளிகள் உயர்ந்து ஒன்பது சதவீதமாக உள்ளன.
இந்தக் கருத்துக் கணிப்பின்படி, Mark Carney தலைமையிலான Liberal அரசாங்கத்திற்கான ஒப்புதல் 55 சதவீதமாக உள்ளது.
இது தனியாக Liberal கட்சியை விட 15 புள்ளிகள் முன்னிலையாகும்.
LJI Reporter ரம்யா சேது
