தமிழின அழிப்பு நினைவகம் ஒன்றை Toronto நகரத்தில் அமைப்பதற்கான தீர்மானம் Toronto நகர சபையில் ஏகமனதாக நிறைவேற்றப்பட்டது.
Scarborough தென்மேற்கு தொகுதி நகரசபை உறுப்பினர் பார்த்தி கந்தவேள் இந்தத் தீர்மானத்தை முன்வைத்தார்.
Toronto-வில் தமிழின அழிப்பு நினைவகம் ஒன்றை அமைப்பதற்கு தமிழ் சமூகத்துடன் இணைந்து Toronto நகரசபை பணியாற்ற இந்தத் தீர்மானம் கோருகிறது.
இந்தத் தீர்மானத்தை நகரசபை உறுப்பினர் Josh Matlow வழிமொழிந்தார்.
தனது தீர்மானத்தை Toronto நகர சபை ஏகமனதாக நிறைவேற்றியதில் பெருமை கொள்கிறேன் என வாக்கெடுப்பின் முடிவில் பார்த்தி கந்தவேள் தெரிவித்தார்.
இந்த தீர்மானத்தை ஏகமனதாக ஆதரித்த நகர முதல்வர் Olivia Chow உட்பட ஏனைய நகரசபை உறுப்பினர்களுக்கும் அவர் நன்றி தெரிவித்துள்ளார்.
இந்த நினைவகம் தமிழர்களுக்கு எதிரான இனப்படுகொலை ஒருபோதும் மறைக்கப்படாமல் இருப்பதை உறுதி செய்யும் என பார்த்தி கந்தவேள் நம்பிக்கை தெரிவித்தார்.
புலம்பெயர்ந்த தமிழர்கள் மிகப்பெரிய எண்ணிக்கையில் வசிக்கும் Scarborough-வில் இந்த நினைவகம் அமையவுள்ளது.
Brampton நகரில் உள்ள Chinguacousy பூங்காவில் தமிழின அழிப்பு நினைவகம் ஒன்று இந்த மாதம் திறந்து வைக்கப்பட்டது இங்கு குறிப்பிடத்தக்கது.
