Stellantis – Roshel ஆலை விற்பனை ஒப்பந்தத்தில் தொழில்துறை அமைச்சர் Mélanie Joly பங்கேற்கவில்லை என அமைச்சகம் உறுதிப்படுத்தியது.
இதில் அமைச்சரின் பங்கேற்பு குறித்து வெளியாகும் ஊடகச் செய்திகளுக்கு அமைச்சரகம் திட்டவட்ட மறுப்பு தெரிவித்துள்ளது.
இந்த விற்பனை ஒப்பந்தம் கையெழுத்தாவதற்கு முன்பாக அமைச்சர் Roshel நிறுவனத்தைச் சந்திக்கவே இல்லை என அமைச்சரின் செய்தித் தொடர்பாளர் Mathis Denis தெளிவுபடுத்தியுள்ளார்.
தொழிற்சங்கத்துடனான சமரசப் பணியில் மட்டுமே அமைச்சர் பங்கேற்றார் என அவர் மேலும் கூறினார்.
Stellantis – Roshel விற்பனைக்கான சாத்தியக்கூறுகள் குறித்துக் கனடிய மத்திய அரசுக்குப் பல மாதங்களாகவே முன்னறிவிக்கப்பட்டிருந்தது என செய்தி வெளியாகியிருந்தது.
ஆனாலும் அமைச்சர் Mélanie Joly அலுவலகம் புதன்கிழமை (11) இதனைத் திட்டவட்டமாக மறுத்தது.
இந்த ஒப்பந்தம் கையெழுத்தாவதற்கு முன்பாக அமைச்சர் Roshel நிறுவனத்தைச் சந்திக்கவே இல்லை எனவும், விற்பனைப் பேச்சுவார்த்தைகளில் அவருக்கு எந்தவொரு பங்கும் இல்லை எனவும் அமைச்சரகம் விளக்கமளித்துள்ளது.
இந்த விடயத்தில் அமைச்சர் Mélanie Joly பதவி நீக்கம் செய்யப்பட வேண்டும் என எதிர்க்கட்சித் தலைவர் Pierre Poilievre கோரியுள்ளது இங்கு குறிப்பிடதக்கது
