Hamilton நகர முதல்வர் தேர்தலில் மிகப்பெரிய அதிரடி அரசியல் மாற்றம் அரங்கேறியுள்ளது.
இந்தத் தேர்தலில் வெற்றி பெற்றதன் மூலம் Hamilton நகர புதிய முதல்வராக Keanin Loomis வெற்றி பெற்றார்.
திங்கட்கிழமை (26) நடைபெற்ற மாநகரசபைத் தேர்தலில் தற்போதைய நகர முதல்வர் Andrea Horwath தோல்வி அடைந்தார்.
Ontario NDP கட்சியின் முன்னாள் தலைவர் Andrea Horwath இந்தத் தேர்தலில் மூன்றாம் இடத்திற்கு தள்ளப்பட்டார்.
இந்தத் தேர்தலில் Keanin Loomis 41 சதவீத வாக்குகளைப் பெற்று வெற்றி பெற்றுள்ளார்.
மாநகர சபை உறுப்பினர் Rob Cooper 32 சதவீத வாக்குகளுடன் இரண்டாம் இடத்தைப் பிடித்தார்.
14 சதவீத வாக்குகள் மட்டுமே பெற்ற Andrea Horwath தோல்வியை சந்தித்தார்.
2022-ஆம் ஆண்டு நடைபெற்ற நகர முதல்வர் தேர்தலின் போது, Andrea Horwath 1,663 வாக்குகள் வித்தியாசத்தில் நூலிழையில் Keanin Loomis-சை வீழ்த்தி நகர முதல்வரானார்.
ஆனால், இம்முறை நடைபெற்ற தேர்தலில் Andrea Horwath-தை விட Keanin Loomis சுமார் 40,000 வாக்குகள் அதிகமாகப் பெற்று Keanin Loomis வெற்றி பெற்றார்.
Keanin Loomis முன்னர் Hamilton வர்த்தக சபையின் (Hamilton Chamber of Commerce) முன்னாள் தலைவராகவும், அண்மைய காலம் வரை கனடிய Steel கட்டுமானக் கழகத்தின் (CISC) தலைவராகவும், முதன்மைச் செயல் அதிகாரியாகவும் (CEO) பணியாற்றினார்.
அமெரிக்காவுடனான தற்போதைய வர்த்தக போரினால் Hamilton நகரில் Stelco தொழிலாளர்கள் பணிநீக்க அச்சுறுத்தலை எதிர்கொண்டு வரும் வேளையில், இந்த வெற்றி தொழிலாளர்கள் மத்தியில் புதிய நம்பிக்கையை தந்துள்ளது.
