Ontario மாகாணத்தின் மிக முக்கிய பெருநகரங்களில் ஒன்றான Mississauga மாநகர முதல்வர் தேர்தலில் மிகப்பெரிய அரசியல் திருப்பம் ஏற்பட்டுள்ளது.
விறுவிறுப்பாக நடைபெற்ற வாக்கு எண்ணிக்கையின் இறுதியில், முன்னணி வேட்பாளர்களான Bonnie Crombie, Carolyn Parrish ஆகிய இருவரையும் வீழ்த்தி, நகர்மன்ற உறுப்பினர் Alvin Tedjo Mississauga நகரின் புதிய முதல்வராகத் தேர்ந்தெடுக்கப்பட்டார்.
கனடாவின் மிகப்பெரிய பெண் அரசியல் ஆளுமைகளான Bonnie Crombie, Carolyn Parrish ஆகியோரின் நீண்டகால அரசியல் மேலாதிக்கத்தை உடைத்து, ஒரு இளம் குடியேற்றப் பின்புலம் கொண்ட Alvin Tedjo நகர முதல்வர் பதவியைக் கைப்பற்றியிருப்பது ஒட்டுமொத்த Ontario அரசியல் களத்திலும் ஒரு புதிய சகாப்தத்தின் ஆரம்பமாக நோக்கப்படுகிறது.
புதிய நகரசபை முதல்வராக பொறுப்பேற்கவுள்ள 41 வயதான Alvin Tedjo, மூன்று குழந்தைகளுக்குத் தந்தையாவார்.
இவர் தனது 4 வது வயதில் கனடாவுக்கு குடியேறியவர் என்பது குறிப்பிடத்தக்கது.
2022-ஆம் ஆண்டு முதல் Mississauga மாநகராட்சியின் நகர மன்ற உறுப்பினராக பணியாற்றி வரும் இவர், நடுத்தர, இளம் குடும்பங்களின் பேராதரவோடு இந்த மாபெரும் வெற்றியைப் பெற்றுள்ளார்.
