NATO உளவு வழக்கில் கனடிய பிரதமரின் முதன்மை ஆலோசகர் David Morrison-ரிடம் விசாரணை நடத்த முடிவு செய்யப்பட்டுள்ளது.
NATO இராணுவ தலைமையகத்தில் உளவு பார்த்ததாக சந்தேகிக்கப்பட்டு கனடியர் Biwei Zhang கைது செய்யப்பட்டுள்ளார்.
NATIO-வின் ‘ஐரோப்பாவிற்கான நேச நாட்டுப் படைகளின் தலைமை தலைமையகத்தில் ஒரு பயிற்சிப் பணியாளராக Biwei Zhang இருந்தார்.
அவருக்கு கனடாவின் தரப்பில் இரகசியப் பாதுகாப்பு அனுமதியை யார் வழங்கியது என்பது குறித்து பிரதமர் Mark Carney-யின் முதன்மை ஆலோசகரிடம் நாடாளுமன்ற குழுவினர் நேரடியாக விசாரணை நடத்த திட்டமிட்டுள்ளனர்.
இதன் பின்னணியில் உள்ள உண்மையை கண்டறிய, கனடாவின் ஒருங்கிணைந்த பாதுகாப்பு, உளவு துறைக்கான நாடாளுமன்றக் கூட்டுக் குழுவினர், முதன்மை ஆலோசகரை நேரில் அழைத்து தீவிர விசாரணை நடத்த முடிவெடுத்துள்ளனர்.
Biwei Zhang-க்கு மிக உயரிய இரகசியப் பாதுகாப்பு அனுமதியை வழங்கியதில் உள்ள உத்தியோகபூர்வ பின்னணிகள் குறித்து இந்த விசாரணையில் கவனம் செலுத்தப்பட்டுள்ளது.
இதில் கனடிய பிரதமரின் முதன்மை ஆலோசகர்களில் ஒருவரான David Morrison நேரில் விளக்கம் அளிக்க உள்ளார்.
ஆனாலும் David Morrison எப்போது நாடாளுமன்றக் குழுவின் முன் சாட்சியமளிக்க உள்ளார் என்பதற்கான திகதி இதுவரை அதிகாரப்பூர்வமாக நிர்ணயிக்கப்படவில்லை.
இந்த நிலையில் Biwei Zhang-க்கு கனடிய வெளியுறவுத்துறை அமைச்சகம் இறுதி பாதுகாப்பு அனுமதியை வழங்கியது என மத்திய பொதுமக்கள் பாதுகாப்பு அமைச்சர் ஹரி ஆனந்தசங்கரி இந்த வாரம் உறுதிப்படுத்தியுள்ளார்.
நாடாளுமன்றத்தின் பொதுப் பாதுகாப்பு, தேசிய பாதுகாப்புக்கான கூட்டுக் குழுவின் முன் சாட்சியமளித்த போது அமைச்சர் ஹரி ஆனந்தசங்கரி இந்தத் தகவலை தெரிவித்தார்.
கனடிய உளவுத்துறை (CSIS), RCMP ஆகிய இரு முதன்மை முகமைகளின் அதிகாரப்பூர்வ ஆலோசனைகள், பரிந்துரைகளின் அடிப்படையில் வெளியுறவுத்துறை இந்த அனுமதியை வழங்கியது எனவும் அவர் தெளிவுபடுத்தியுள்ளார்.
இதில் Biwei Zhang மீதான குற்றசாட்டுகள் எதுவும் இதுவரை நீதிமன்றத்தில் நிரூபிக்கப்படவில்லை.
