Toronto Pearson விமான நிலைய தங்க கொள்ளை வழக்கு விசாரணை ஆரம்பமானது.
Brampton நீதிமன்றத்தில் திங்கட்கிழமை (05) இந்த விசாரணை ஆரம்பமானது.
கனடிய வரலாற்றிலேயே மிகப்பெரிய தங்க கொள்ளை வழக்காக கருதப்படும் இந்த Pearson சர்வதேச விமான நிலைய கொள்ளை வழக்கில் முக்கிய குற்றவாளியான Parmpal Sidhu கைது செய்யப்பட்டார்.
விசாரணையின் ஆரம்பத்தில் தன் மீது சுமத்தப்பட்டுள்ள இரண்டு பிரதான குற்றச்சாட்டுகளையும் மறுத்த Parmpal Sidhu, தான் குற்றமற்றவர் என நீதிமன்றத்தில் திட்டவட்டமாக பிரகடனம் செய்துள்ளார்.
முன்னதாக Peel பிராந்திய காவல்துறையினர் கடந்த 2023 April 17 அரங்கேறிய இக்கொள்ளையின் விபரங்களை நீதிமன்றத்தில் சமர்ப்பித்தனர்.
இந்த வழக்கில் கொள்ளையடிக்கப்பட்ட தங்கத்தை சட்டவிரோதமாக கொள்வனவு செய்ததாக குற்றம் சாட்டப்பட்டிருந்த பிரபல நகைக்கடை அதிபர் Ali Raza , Amit Jalota ஆகிய இருவர் மீதான குற்றச்சாட்டுகளையும் போதிய ஆதாரங்கள் இல்லாததால் அரசுத் தரப்பு கடந்த மாதம் அதிகாரப்பூர்வமாக மீளப் பெற்றுக் கொண்டது.
இந்த கொள்ளையின் ஒட்டுமொத்த மதிப்பு $20 மில்லியனுக்கும் அதிகமாகும்.
