கனடா – அமெரிக்காவுக்கும் இடையே பயணம் செய்யும் பயணிகளுக்கான அதிவேக அனுமதி திட்டமான NEXUS திட்டத்தில் புதிய காலக்கெடு நடைமுறைக்கு வருகிறது.
இதில் காலக்கெடு, நேர்காணல் விதிமுறை மாற்றங்களை இரு நாட்டு எல்லை முகமைகளும் அதிகாரப்பூர்வமாக அறிவித்துள்ளது.
இரு நாடுகளுக்கும் இடையே கடுமையான வர்த்தகப் போர் நிலவி வரும் இக்கட்டான சூழ்நிலையிலும், எல்லை தாண்டிய பயணங்களை முறைப்படுத்துவதற்கான இந்த அதிரடி கூட்டு உத்தி அறிவிக்கப்பட்டுள்ளது.
NEXUS திட்டத்தின் கீழ் தற்காலிக ஆரம்ப அங்கீகாரம் (Conditionally Approved) பெற்ற விண்ணப்பதாரர்கள், தங்களது இறுதி நேர்காணலை முடிப்பதற்கான புதிய கடுமையான காலக்கெடு விபரங்களை ல்லை முகமைகள் வெளியிட்டுள்ளன.
இந்த குறிப்பிட்ட புதிய காலக்கெடுவுக்குள் நேர்காணல் மையங்களுக்குச் சென்று தங்களது விபரங்களை உறுதிப்படுத்த தவறினால், அவர்களது விண்ணப்பங்கள் எவ்வித முன்னறிவிப்புமின்றி முழுமையாக இரத்து செய்யப்படும் என எச்சரிக்கப்பட்டுள்ளது.
அமெரிக்காவின் கடுமையான இறக்குமதித் தடைகள், கனடிய பிரதமர் Mark Carneyயின் மாற்றுப் பொருளாதார வியூகங்களின் மத்தியில், இரு நாட்டு எல்லைப் பாதுகாப்பு முகமைகளான CBSA, CBP இணைந்து இந்த புதிய பயண வழிகாட்டலை வெளியிட்டுள்ளது குறிப்பிடத்தக்கது.
