இந்தியப் பிரதமர் நரேந்திர மோடி December மாதம் கனடாவுக்கு உத்தியோகபூர்வ பயணம் மேற்கொள்ள உள்ளார்.
கனடிய பிரதமர் Mark Carney செவ்வாய்க்கிழமை (22) இதனை உறுதிப்படுத்தியுள்ளார்.
இரு நாடுகளுக்கும் இடையே நீண்ட காலமாக நிலுவையில் உள்ள வரலாற்றுச் சிறப்புமிக்க வர்த்தக ஒப்பந்தத்தில் கையெழுத்திடுவதற்கு இந்திய பிரதமர் கனடா வரவுள்ளார்.
கனடாவுக்கான இந்திய தூதர் இந்த செய்தியை உறுதிப்படுத்தினார்.
2023-ஆம் ஆண்டு Justin Trudeau அரசு, இந்தியா மீது அந்நிய நாட்டுத் தலையீடு, எல்லை கடந்த அடக்குமுறைகள், கொலைக் குற்றச்சாட்டுகளை சுமத்தியதை தொடர்ந்து இரு நாடுகளுக்கும் இடையிலான இராஜதந்திர உறவு கடுமையாக பாதிக்கப்பட்டது.
இந்த காலகட்டத்தில் பல ஆண்டுகளாக நடைபெற்று வந்த இருதரப்பு சுதந்திர வர்த்தக ஒப்பந்த பேச்சுவார்த்தைகள் காலவரம்பின்றி நிறுத்தி வைக்கப்பட்டன.
Mark Carney கனடாவின் பிரதமராக பொறுப்பேற்ற பின்னர் இந்த பேச்சுவார்த்தைகள் மீண்டும் புத்துயிர் பெற்றுள்ளன.
பிரதமர் நரேந்திர மோடி 2025 June மாதம் Alberta-வில் நடைபெற்ற G7 உச்சி மாநாட்டில் பங்கேற்க கனடா வந்திருந்த நிலையில், தற்போது இருதரப்பு வர்த்தகத்தை மேம்படுத்த நேரடியாக தலைநகர் Ottawa வரவிருப்பது குறிப்பிடத்தக்கது.
