கனடாவுடனான உறவை சர்வதேச இராஜதந்திர அரங்கில் சாத்தியமான மிக உயர்ந்த நிலைக்குக் கொண்டு செல்ல ஐரோப்பிய ஒன்றியம் (EU) விருப்பம் தெரிவித்துள்ளது.
ஐரோப்பிய ஒன்றிய ஆணைய தலைவர் Ursula von der Leyen இந்த விருப்பத்தை புதன்கிழமை (16) அதிகாரப்பூர்வமாக அறிவித்தார்.
கனடா – அமெரிக்கா இடையில் வர்த்தகப் போர் தீவிரமடைந்துள்ள சூழலில், கனடிய பிரதமர் Mark Carney ஐரோப்பாவிற்கு அவசரப் பயணம் மேற்கொண்டுள்ளார்.
பிரதமருக்கு அங்கு உற்சாகமான வரவேற்பு அளிக்கப்பட்டது.
ஐரோப்பிய ஒன்றியத்தின் தலைமையகத்தில் கனடிய பிரதமரை நேரில் சந்தித்துப் பேசிய Ursula von der Leyen, இரு தரப்புக்கும் இடையிலான வரலாற்றுப் பிணைப்பை மறுவடிவமைப்பு செய்ய வேண்டியதன் அவசியத்தை வலியுறுத்தினார்.
பிரதமர் Mark Carney ஐரோப்பிய நாடாளுமன்றத்தின் முதல் வரிசையில் அமர்ந்திருக்க, உலகமே உன்னிப்பாகக் கவனித்த தனது State of the Union உரையின் போது, “கனடாவுடனான உறவைச் சாத்தியமான மிக உயர்ந்த நிலைக்குக் கொண்டு செல்ல நான் விரும்புகிறேன்” என ஐரோப்பிய ஆணையத்தின் தலைவர் தெரிவித்தார்.
ஐரோப்பிய ஒன்றியமும் கனடாவும் இந்த உலகை ஒரே மாதிரியான பார்வையில் நேர் கோட்டுடன் காண்கின்றன என அவர் நெகிழ்ச்சியுடன் குறிப்பிட்டார்.
கனடா ஐரோப்பிய ஒன்றியத்தின் முதலாவது அதிகாரப்பூர்வ ‘இணை உறுப்பு நாடாக’ மாறுவதற்கான சாத்தியக்கூறுகள் குறித்தும் அவர் சாதகமான நிலைப்பாட்டை வெளியிட்டார்.
ஐரோப்பிய ஒன்றியத் தலைவரின் இந்த வரலாற்றுச் சிறப்புமிக்க உரை, கனடிய பிரதமரின் சர்வதேச இராஜதந்திரத்திற்கு பெரும் வெற்றியாக நோக்கப்படுகிறது.
