அமெரிக்க வர்த்தகப் பேச்சுவார்த்தையில் இருந்து வெளியேறியதை தவிர கனடாவிற்கு வேறு வழி இருக்கவில்லை என முன்னாள் பிரதமர் Stephen Harper தெரிவித்தார்.
இதன் மூலம் முன்னாள் Conservative கட்சி பிரதமர் தற்போதைய Liberal அரசுக்குத் தனது பகிரங்க ஆதரவை வெளிப்படுத்தினார்.
முதலாவது கனடா முதலீட்டு மாநாட்டின் நிறைவுரையை Stephen Harper ஆற்றினார்.
தனது உரையில் கனடாவின் இறையாண்மையை தற்காக்கும் வகையில் முன்னாள் பிரதமரான அவர் கருத்துக்களைப் பகிர்ந்துள்ளார்.
அமெரிக்காவுடனான தற்போதைய கடுமையான வர்த்தக மோதலில், “பேச்சுவார்த்தை மேசையில் இருந்து தற்காலிகமாக வெளியேறுவதை தவிர கனடாவிற்கு வேறு எந்த மாற்று வழியும் இருக்கவில்லை” என Stephen Harper கூறினார்.
அமெரிக்க அதிகாரிகளின் நியாயமற்ற நிபந்தனைகளை ஏற்க மறுத்து, August மாத இறுதியில் பிரதமர் Mark Carney பேச்சுவார்த்தைகளை முறித்துக் கொண்டதை Stephen Harper முழுமையாக நியாயப்படுத்தினார்.
கனடா இன்னும் உண்மையான இறையாண்மை கொண்ட நாடாக மாற வேண்டும் எனவும் அவர் குறிப்பிட்டார்.
அமெரிக்காவின் வர்த்தக அச்சுறுத்தல்களுக்கு மத்தியில் நாடு தழுவிய ஒருமித்த நிலைப்பாட்டின் அவசியத்தையும் அவர் வலியுறுத்தினார்.
