கனடா, அமெரிக்கா, Mexico தலைவர்கள் தனிப்பட்ட முறையில் சந்தித்தனர்.
கனடிய பிரதமர் Mark Carney, Mexican ஜனாதிபதி Claudia Sheinbaum, அமெரிக்க ஜனாதிபதி Donald Trump ஆகியோர் அமெரிக்க தலைநகரில் தனிப்பட்ட முறையில் சந்தித்தனர் என கனடிய பிரதமர் அலுவலகம் உறுதிப்படுத்தியது.
அவர்கள் மூவரும் வெள்ளிக்கிழமை (05) சந்தித்து உரையாடியதாக பிரதமர் அலுவலகம் மேலும் கூறியது.
இந்தச் சந்திப்பு சுமார் 50 நிமிடங்கள் நீடித்தது.
முன்னதாக அவர்கள் John F. Kennedy மையத்தில் நடந்த FIFA உலகக் கோப்பை நிகழ்வில் ஒன்றாக பங்கேற்றனர்.
மூவரும் குடியேற்றம், வர்த்தகம் குறித்து விவாதிப்பார்கள் என முன்னதாக Donald Trump தெரிவித்திருந்தார்.
தனது அமெரிக்க பயணத்திற்கு முந்தைய நாட்களில், ஜனாதிபதியுடனான ஒரு திருப்புமுனை சந்திப்பின் எதிர்பார்ப்புகளை Mark Carney முன்வைத்திருந்தார்.
கனடா-அமெரிக்கா-Mexico ஒப்பந்தம் (CUSMA) 2026 -ஆம் ஆண்டில் முறையான மறு ஆய்வுக்கு வரவிருக்கும் நிலையில், மூன்று தலைவர்களும் சந்திக்கின்றனர்.
Ontario மாகாண அரசாங்கத்தினால் வெளியிடப்பட்ட கட்டண எதிர்ப்பு விளம்பரம் காரணமாக Donald Trump கடந்த October மாதம் கனடாவுடன் வர்த்தக பேச்சுவார்த்தைகளை இடை நிறுத்தி இருந்தார் என்பது குறிப்பிடத்தக்கது.
LJI Reporter ரம்யா சேது
