கனடாவுக்கும் அமெரிக்காவுக்கும் இடையிலான வர்த்தக ஒப்பந்தம் விரைவில் எட்டப்படலாம் என்ற அமெரிக்க ஜனாதிபதியின் அண்மைக்கால கருத்துக்களை கனடியப் பிரதமர் வரவேற்றுள்ளார்.
இரு நாடுகளுக்கும் இடையே நிலவி வரும் கடுமையான வர்த்தகப் போருக்கு மத்தியில் அமெரிக்க ஜனாதிபதி Donald Trump வெளியிட்ட நேர்மறையான அறிக்கைக்கு பதிலடி கொடுக்கும் வகையில், திங்கட்கிழமை (14) பிரதமர் Mark Carney தங்களது அதிகாரப்பூர்வ பதிலை வெளியிட்டுள்ளார்.
கனடா அமெரிக்காவை 50 ஆண்டுகளாக ஏமாற்றி விட்டது என அண்மையில் கடுமையாகச் சாடியிருந்த Donald Trump, இரு நாடுகளுக்கும் இடையே ஒரு புதிய வர்த்தக ஒப்பந்தம் மிக விரைவில் எட்டப்படலாம் என கணித்திருந்தார்.
இந்த நிலையில் கனடா எப்போதும் உலகளாவிய வர்த்தகத்திற்கும், குறிப்பாக தனது அண்டை நாடான அமெரிக்காவுடனான நியாயமான வணிகப் பேச்சுவார்த்தைகளுக்கும் தயாராக உள்ளது என Mark Carney சுட்டிக்காட்டியுள்ளார்.
Bloomberg ஊடகத்திற்கு அமெரிக்காவுடனான வர்த்தக பேச்சுவார்த்தைகள் குறித்துப் பேசியுள்ள Mark Carney, இரு நாடுகளுக்கும் இடையே தொடர்ந்து ஒரு பரஸ்பர லாபகரமான ஒப்பந்தம் சாத்தியமே என தான் உறுதியாக நம்புவதாக தெரிவித்துள்ளார்.
இரு நாடுகளின் இறையாண்மையை மதிக்கக்கூடிய ஒரு ஒப்பந்தம் சாத்தியமே என கூறிய Mark Carney,, கனடா பேச்சுவார்த்தையை அடுத்த கட்டத்திற்கு எடுத்துச் செல்லத் தயாராக உள்ளது எனத் தெரிவித்தார்.
Toronto-வில் ஆரம்பித்துள்ள முதலாவது கனடா முதலீட்டு மாநாட்டின் பின்னணியில் கனடிய பிரதமரின் இந்தக் கருத்து வெளியானது.
அமெரிக்க ஜனாதிபதியுடன் தான் சமீபத்திய நாட்களில் பேசியதாக அண்மையில் Mark Carney உறுதிப்படுத்தி இருந்தார் என்பது இங்கு குறிப்பிடத்தக்கது.
