அமெரிக்காவுடனான பேச்சுவார்த்தைகளை கனடா மீண்டும் ஆரம்பிக்க வேண்டும் என Alberta முதல்வர் வலியுறுத்துகிறார்.
கனடா அறிவித்துள்ள பதில் வரி நடவடிக்கைகள் அமுலுக்கு வருவதற்கு முன்னர் இரு நாடுகளின் மீண்டும் பேச்சுவார்த்தைக்கு செல்ல வேண்டும் என Alberta முதல்வர் Danielle Smith கூறினார்
இரண்டு வாரங்களில் அமெரிக்காவின் எதிர் வரிகள் அமுலுக்கு வருவதற்கு முன்னர், மீண்டும் பேச்சுவார்த்தை மேசைக்கு திரும்புமாறு கனடிய அரசாங்கத்தை Danielle Smith வலியுறுத்துகிறார்.
இரு நாட்டிற்கும் இடையிலான வர்த்தகப் போரை, சுங்க வரிகளும் எதிர் சுங்க வரிகளும் மேலும் தீவிரப்படுத்தும் அபாயத்தை கொண்டுள்ளன என செவ்வாய்க்கிழமை (25) இணையத்தில் வெளியிடப்பட்ட ஒரு அறிக்கையில் அவர் கூறினார்.,
September 8 முதல் பல்வேறு அமெரிக்க ஏற்றுமதிகள் மீது பதிலடி தீர்வைகளை அமுல்படுத்தும் திட்டத்தை கனடிய மத்திய அரசாங்கம் செவ்வாயன்று அறிவித்தது.
சுமார் $28 பில்லியன் மதிப்பிலான கனடியப் பொருட்கள் மீது அமெரிக்க ஜனாதிபதி Donald Trump விதித்த 50 சதவீத இறக்குமதி வரிகள் வார இறுதியில் நடைமுறைக்கு வந்தது.
இதற்கு பதிலளிக்கும் வகையில் சுமார் $27.6 பில்லியன் மதிப்பிலான அமெரிக்கத் தயாரிப்புகளுக்கு, அமெரிக்கா விதித்துள்ள அதே அளவிலான சுங்க வரிகளை கனடாவும் விதிக்கும் திட்டம் அறிவிக்கப்பட்டது.
பதில் வரி விதிப்பு தொடர்பான கனடிய பிரதமரின் திட்டத்திற்கு ஆதரவளிப்பதில், மாகாண, பிரதேச தலைவர்களிடையே Danielle Smith மட்டும் தொடர்ந்து தயக்கம் காட்டி வருவைத்து இங்கு குறிப்பிடத்தக்கது.
