விமானம் மோதியதில் காயமடைந்த Montreal விமான நிலைய ஊழியர் சிகிச்சை பலனின்றி மரணமடைந்தார்.
பலியானவர் 39 வயதான Oscar Robayo என அடையாளம் காணப்பட்டார்.
Pierre Elliott Trudeau சர்வதேச விமான நிலையத்தில் French bee விமானம் மோதியதில், விமான நிலைய ஊழியர் ஒருவர் பலத்த காயங்களுடன் மருத்துவமனைக்கு கொண்டு செல்லப்பட்டார்.
ஓடுபாதையில் பின்னோக்கி நகர்ந்த விமானம் மோதியதில், தரை பணி ஊழியர் ஒருவர் காயமடைந்த நிலையில் சில மணிநேரங்களுக்கு பின்னர் உயிரிழந்தார்.
திங்கட்கிழமை (24) மாலை இந்த சம்பவம் நிகழ்ந்ததாக Montreal காவல்துறையினர் தெரிவித்தனர்.
விமான நிலைய ஊழியர் பலத்த காயங்களுடன் மருத்துவமனைக்கு அனுப்பி வைக்கப்பட்டார்.
அவர் மருத்துவமனையில் உயிருக்கு ஆபத்தான நிலையில் இருப்பதாக அதிகாரிகள் பின்னர் தெரிவித்தனர்.
பின்னர் அவர் சிகிச்சை பலனின்றி மரணமடைந்தார் என வைத்தியசாலை வட்டாரங்கள் தெரிவித்தன.
அந்த ஊழியரின் மறைவு குறித்து ஆழ்ந்த வருத்தம் தெரிவிப்பதாக விமான நிலைய நிர்வாகம் செவ்வாய்க்கிழமை (25) ஒரு அறிக்கையில் கூறியுள்ளது.
தமது விமானம் ஒன்று புறப்படுவதற்கு முன்னதாக, தரைவழிச் செயற்பாடுகளின் போது ஒரு தீவிரமான சம்பவம் நிகழ்ந்ததாக French bee நிறுவனம் ஓர் அறிக்கையில் உறுதிப்படுத்தியது.
இந்த சம்பவம் தொடர்பான விசாரணைகள் தொடர்கின்றன.
