அமெரிக்க ஜனாதிபதியுடன் பதற்றத்தை தணிக்க வேண்டிய நேரம் இது என Doug Ford கூறியுள்ளார்.
அமெரிக்க ஜனாதிபதியும் Ontario முதல்வரும் ஒருவரை ஒருவர் கடுமையாக விமர்சித்த மறுநாள், பதற்றத்தை தணிக்க வேண்டிய நேரம் வந்துவிட்டதாக Ontario மாகாண முதல்வர் Doug Ford தெரிவித்தார்.
இருவருக்கும் இடையிலான விவகாரம் சூடுபிடித்து தனிப்பட்ட ரீதியிலான மோதலாக மாறிய நிலையில், பதற்றத்தைத் தணிக்க வேண்டிய நேரம் வந்துவிட்டதாக Doug Ford கூறினார்.
Ontario முதல்வர் செவ்வாய்க்கிழமை (25) அமெரிக்கத் தொலைக்காட்சிகளில் தோன்றி செவ்விகளை வழங்கினார்.
அப்போது, பதற்றத்தைத் தணிக்க வேண்டிய நேரம் இது என்பதை அவர் ஒப்புக் கொண்டார்.
CNN, Fox Business, ABC ஆகிய ஊடகங்களுக்கு அளித்த நேர்காணல்களில் Doug Ford தனது கடுமையான விமர்சனங்களை குறைத்து கொண்ட வகையில் பேசினார்.
முன்னதாக திங்கட்கிழமை (24) நடைபெற்ற செய்தியாளர் சந்திப்பில் அமெரிக்க ஜனாதிபதியை “சர்வாதிகாரி” என விமர்சித்திருந்தார்.
புதிய ஆண்டில் கனடிய இறக்குமதி மீதான வரிகளை அதிகரிக்க உள்ளதாக அமெரிக்க ஜனாதிபதி Donald Trump அறிவித்ததைத் தொடர்ந்து, இருவருக்கும் இடையே வார்த்தை போர் வெடித்தது.
அமெரிக்கர்களுக்கும் கனடியர்களுக்கும் பயனளிக்கும் வகையில் ஒரு ஒப்பந்தத்தை மேற்கொள்ள விரும்புவதாக Doug Ford கூறினார்.
அமெரிக்காவுடனான வர்த்தகப் போரை முடிவுக்குக் கொண்டுவர, “மீண்டும் பேச்சுவார்த்தை மேசைக்கு திரும்பவும்”, “நியாயமான ஒப்பந்தம்” ஒன்றை மேற்கொள்ளவும் வேண்டிய நேரம் இது எனவும் Doug Ford கூறினார்.
Ontario-வுடனான வர்த்தகத்தை நிறுத்துவதாக Donald Trump விடுத்த அச்சுறுத்தல்களை வெறும் ‘வெற்றுப் பேச்சு’ என குறிப்பிட்ட அவர், உலக அளவில் அமெரிக்காவின் மூன்றாவது பெரிய வர்த்தகப் பங்காளியாக அந்த மாகாணம் திகழ்வதை சுட்டிக்காட்டினார்.
இந்த நிலையில் Ontario மீது கவனம் திருப்புவது போல் தோன்றும் வகையில் செவ்வாய் காலை Donald Trump கருத்து தெரிவித்தார்.
Ontario ஏரியின் பெயரை அமெரிக்கா ஏரி என மாற்றுவது குறித்து தீவிரமாக பரிசீலித்து வருவதாக Donald Trump தனது சமூக வலைதள பதிவில் கூறினார்.
கனடியர்கள் ஜனாதிபதியுடன் எந்த வகையிலும் உடன்படவில்லை என கூறிய Doug Ford, அவர்கள் அமெரிக்க மக்களை நேசிக்கிறார்கள் என தனது செவ்வியில் தெரிவித்தார்.
அமெரிக்காவின் 700 பொருட்கள் மீது பதிலடி நடவடிக்கையாக கூடுதல் வரிகளை கனடிய அரச அதிகாரிகள் வெளியிட்ட செய்தியாளர் சந்திப்புக்கு முன்னதாக Doug Ford-டின் செவ்விகள் நிகழ்ந்தன.
