Ontario ஏரியின் (Lake Ontario) பெயரை மாற்றுவது குறித்து பரிசீலித்து வருவதாக அமெரிக்க ஜனாதிபதி Donald Trump கூறினார்.
அமெரிக்காவுக்கும் கனடாவுக்கும் இடையே நடைபெற்று வரும் வர்த்தக மோதலுக்கு மத்தியில் இந்த யோசனையை ஒரு சமூக பதிவின் மூலம் Donald Trump செவ்வாய்க்கிழமை (25) வெளியிட்டார்.
“Ontario-வுடன் இனி பெரிய அளவில் வர்த்தகம் எதையும் மேற்கொள்ள போவதில்லை என்பதால், Lake Ontario-வின் பெயரை Lake அமெரிக்கா என மாற்றுவது குறித்து அமெரிக்கா தீவிரமாக பரிசீலித்து வருகிறது,” என தனது பதிவில் Donald Trump குறிப்பிட்டார்.
புதிய ஆண்டில் கனடாவுக்கு எதிராக மேலும் பல வரிகளை விதிப்பதாக Donald Trump சூளுரைத்த 24 மணி நேரத்திற்கும் குறைவான நேரத்தில், அவரது இந்த சமீபத்திய அச்சுறுத்தல் வெளியானது.
இது அமெரிக்க ஜனாதிபதிக்கும், Ontario முதல்வருக்கும் இடையில் அவதூறு பிரச்சாரம் ஒன்றை தூண்டியது.
கனடாவுக்கும் அமெரிக்காவுக்கும் இடையிலான புதிய வர்த்தக ஒப்பந்தம் குறித்த பேச்சுவார்த்தைகள் வார இறுதியில் முறிந்தது.
அமெரிக்கா முன்மொழிந்த நிபந்தனைகளில் செய்யப்பட்ட இறுதி நேர மாற்றங்கள் இதற்குக் காரணம் என Mark Carney குற்றம் சாட்டியிருந்தார்.
தொழிலாளர் தினத்திற்கு பின்னர் கனடா தனது பதிலடி நடவடிக்கைகளை அறிமுகப்படுத்த திட்டமிட்டுள்ளதாகவும் பிரதமர் அறிவித்தார்.
இந்த நடவடிக்கைகள் குறித்த அறிவித்தல் செவ்வாய்க்கிழமை (25) வெளியாகும் என பரவலாக எதிர்பார்க்கப்படுகிறது.
