கனடாவுடனான பேச்சுவார்த்தைகள் தொடர்ந்து நடைபெற்று வருவதாக அமெரிக்க துணை ஜனாதிபதி JD Vance தெரிவித்தார்.
அமெரிக்காவுடனான கனடாவின் வர்த்தக பேச்சுவார்த்தைகள் நிறைவுக்கு வந்த சில நாட்களுக்குப் பின்னர், இந்தக் கருத்தை JD Vance கூறினார்.
“அவர்கள் (கனடா) இறுதி நேரத்தில் பல நியாயமற்ற கோரிக்கைகளுடன் வந்தனர்,” என JD Vance திங்கட்கிழமை (24) தெரிவித்தார்.
அமெரிக்காவுடனான கனடாவின் பேச்சுவார்த்தைகளை நிறுத்தி வெளிப்பதாக கனடிய பிரதமர் Mark Carney வெள்ளிக்கிழமை (21) அறிவித்தார்.
இந்த நிலையில் முன்வைக்கப்பட்ட அமெரிக்க ஒப்பந்தம் கனேடியர்களுக்கு பயனளித்திருக்காது என்பதை Mark Carney மீண்டும் வலியுறுத்தினார்.
அமெரிக்காவுடனான எங்கள் வர்த்தகப் பேச்சுவார்த்தைகளின் நோக்கம், எப்போதும் கனேடியர்களுக்கு சிறந்த ஒப்பந்தத்தைப் பெற்றுத் தருவதாகவே இருந்து வருகிறது எனவும் திங்களன்று அவர் தெரிவித்தார்.
சுமார் $28 பில்லியன் மதிப்பிலான கனடியப் பொருட்கள் மீதான Donald Trump-பின் 50 சதவீத இறக்குமதி வரிகள் சனிக்கிழமை (22) முதல் அமுலுக்கு வந்தன.
இந்த நிலையில் அமெரிக்கா மீது சமமான மதிப்பிலான அடிப்படையில் சுங்கவரிகளை விதிக்க கனடா திட்டமிட்டுள்ளது இங்கு குறிப்பிடத்தக்கது.
