Toronto நகரசபை உறுப்பினர் தேர்தலில் தமிழரான கண்ணன் ஸ்ரீ JR போட்டியிடுகிறார்.
Scarborough-Rouge Park தொகுதி நகரசபை உறுப்பினர் பதவிக்கு போட்டியிட அவர் வேட்புமனு தாக்கல் செய்துள்ளார்.
May மாத இறுதியில் Toronto நகர முதல்வர் பதவிக்கு வேட்புமனு தாக்கல் செய்த அவர் பின்னர் தனது வேட்புமனுவை புதன்கிழமை (19) மீளப்பெற்றுள்ளார்.
பின்னர் அவர் Scarborough-Rouge Park தொகுதி நகரசபை உறுப்பினர் பதவிக்கு போட்டியிட வேட்புமனு தாக்கல் செய்துள்ளார்.
இந்தத் தொகுதியின் நகரசபை உறுப்பினராக தமிழரான நீதன் சான் உள்ளார்.
அவர் மீண்டும் இந்தத் தொகுதியில் போட்டியிடுகிறார்.
வியாழக்கிழமை (20) காலை வரை இந்தத் தொகுதியில் மொத்தம் பத்து வேட்பாளர்கள் வேட்புமனு தாக்கல் செய்துள்ளனர்.
இதில் நான்கு தமிழர்களும் உள்ளடங்குகின்றனர்.
இம்முறை தேர்தலுக்கான வேட்பாளர் மனு தாக்கல் எதிர்வரும் வெள்ளிக்கிழமை (21) பிற்பகல் 2 மணிக்கு நிறைவடைகிறது.
Ontario மாகாணத்தில் Toronto உட்பட பல்வேறு நகரசபை பதவிகளுக்கான தேர்தல் October 26-ஆம் திகதி Ontario மாகாணத்தில் நடைபெறுகிறது.
இந்தத் தேர்தலில் முன்கூட்டிய வாக்களிப்பு காலம் October 6 முதல் October 11 வரையாகும்.
