கனடா-அமெரிக்க வர்த்தக அமைச்சர் Dominic LeBlanc மீண்டும் அமெரிக்கா பயணமாகிறார்.
அமெரிக்காவுடனான “தொடரும் பேச்சுவார்த்தையை முன்னெடுத்துச் செல்ல” அவர் வியாழக்கிழமை (20) Washington திரும்புகிறார் என தெரியவருகிறது.
அமெரிக்க ஜனாதிபதியின் புதிய இறக்குமதி வரிகள் அமுலுக்கு வருவதற்கு முன்னதாக, ஒரு ஒப்பந்தத்தை எட்டுவதற்கு கனடா, அமெரிக்க வர்த்தகப் பிரதிநிதிகளுக்கு இன்னும் இரண்டு நாட்கள் கால அவகாசம் உள்ளது.
புதிய வரிகள் விதிக்கப்படும் கால எல்லையை அமெரிக்க ஜனாதிபதி Donald Trump இந்த வாரத்தின் பிற்பகுதி வரை ஒத்திவைக்க முடிவு செய்தார்.
கனடியப் பொருட்கள் மீது இறக்குமதி வரிகளை விதிப்பதற்கு முன்னதாக, ஒரு ஒப்பந்தத்தை எட்டுவதற்கு கனடாவுக்கும் அமெரிக்காவுக்கும் இப்போது சனிக்கிழமை வரை அவகாசம் உள்ளது.
இந்த நிலையில் அமைச்சர் Dominic LeBlanc, கனடாவின் தலைமை பேச்சுவார்த்தையாளர் Janice Charette ஆகியோர், அமெரிக்க வர்த்தக பிரதிநிதி Jamieson Greer-ரை வியாழன் மதியம் சந்திப்பார்கள் என்று அமைச்சர் அலுவலகம் வெளியிட்டுள்ள அறிக்கை தெரிவிக்கிறது.
கனடா, அமெரிக்கா இடையிலான தற்காலிக வர்த்தக ஒப்பந்தம் குறித்து மாகாண தலைவர்கள் எச்சரிக்கையுடன் கூடிய நம்பிக்கையை வெளிப்படுத்தி வரும் நிலையில் இந்த சந்திப்பு நடைபெறுகிறது.
