முன்னாள் Liberal கட்சி தலைவரை கண்காணிப்பதற்காக Jamaica-விற்கு மேற்கொள்ளப்பட்ட, PC கட்சியின் நிதியுதவி பெற்ற பயணத்தை தான் அங்கீகரிக்கவில்லை என Doug Ford தெரிவித்தார்.
2023-ல் Liberal கட்சியின் தலைவரான Bonnie Crombie பதவி ஏற்றதன் சிறிது காலத்தில், அவரை உளவு பார்ப்பதற்காக Progressive Conservative கட்சி Jamaica-விற்குப் பயணம் செய்ய $3,000 செலவழித்தது தனக்குத் தெரியாது என Ontario முதல்வர் Doug Ford கூறினார்.
இது போன்ற உத்தியை தான் அங்கீகரிக்கவில்லை எனவும் அவர் தெரிவித்தார்.
“எதிர்க்கட்சி குறித்த ஆய்வு பணிக்கு” Bonnie Crombie மூன்று நாள் விடுமுறையை கழிப்பதற்காக தங்கியிருந்த உல்லாச விடுதிக்கு ஒருவரை அனுப்புவதற்கான செலவை PC கட்சி ஏற்றதாக இந்த வாரம் செய்தி வெளியானது.
வியாழக்கிழமை (13) நடைபெற்ற செய்தியாளர் சந்திப்பில் இந்தச் செலவு குறித்து கேட்கப்பட்ட போது, புதன்கிழமையன்றுதான் (12) அது குறித்து தனக்குத் தெரியவந்ததாக Doug Ford கூறினார்.
அந்த $3,000 செலவு “கட்சியின் பணம்” என்பதைத் தான் வலியுறுத்த விரும்புவதாக Doug Ford இந்த செய்தியாளர் சந்திப்பின்போது கூறினார்.
ஆனாலும் Ontario-வில் அரசியல் கட்சிகள் ஒவ்வொரு வாக்குக்கும் ஒரு குறிப்பிட்ட மானியத்தைப் பெறுகின்றன என்பது குறிப்பிடத்தக்கது.
Bonnie Crombie-யை உளவு பார்ப்பதற்காக மேற்கொள்ளப்பட்டதாக கூறப்படும் இந்த பயணத்தை NDP தலைவர் Marit Stiles “அருவருப்பானது” என வியாழனன்று சமூக ஊடகங்களில் வெளியிடப்பட்ட அறிக்கை ஒன்றில் வர்ணித்தார்.
இந்த உத்தி “மிகவும் கவலையளிப்பதாக” உள்ளது என Liberal கட்சி மாகாணசபை உறுப்பினர் Stephanie Smyth கூறினார்.
