Toronto நகர முதல்வர் பதவிக்கு முன்னாள் Conservative கட்சி நாடாளுமன்ற உறுப்பினர் Chris Alexander போட்டியிடவுள்ளார்.
Ontario மாகாணத்தின் பல்வேறு நகரசபை பதவிகளுக்கான வேட்புமனு தாக்கல் கடந்த May மாதம் அதிகாரபூர்வமாக ஆரம்பித்தது.
பல்வேறு நகரசபை பதவிகளுக்கான தேர்தல் October 26-ஆம் திகதி Ontario மாகாணத்தில் நடைபெறுகிறது.
இதில் Toronto நகர முதல்வர் பதவிக்கு Chris Alexander போட்டியிடவுள்ளார்.
புதன்கிழமை (29) காலை தேர்தலில் தனது பெயரை பதிவு செய்யத் திட்டமிட்டுள்ளதாக 57 வயதான Chris Alexander உறுதிப்படுத்தியுள்ளார்.
2013 முதல் 2015 வரை Chris Alexander கனடாவின் குடியுரிமை, குடிவரவுத் துறை அமைச்சராக இருந்தார்.
அவர் 2003 முதல் 2005 வரை Afghanistan நாட்டுக்கான கனடாவின் தூதராகவும் பணியாற்றினார்.
முன்னாள் Ajax-Pickering நாடாளுமன்ற உறுப்பினரான அவர், முன்னணி போட்டியாளர்களான தற்போதைய நகரசபை உறுப்பினர் Olivia Chow, நகரசபை உறுப்பினர் Brad Bradford ஆகியோரை எதிர்கொள்வார்.
செவ்வாய்க்கிழமை (28) நிலவரப்படி, நகர முதல்வர் பதவிக்காக 32 வேட்பாளர்கள் போட்டியிடுகின்றனர்.
