Toronto நகரசபை தேர்தலில் நகர சபை உறுப்பினர் நீதன் சான் மீண்டும் போட்டியிடுகிறார்.
Scarborough-Rouge Park தொகுதியின் நகர சபை உறுப்பினரான இவர், மீண்டும் தேர்தலில் போட்டியிடுகிறார்.
அடுத்த தேர்தலுக்கான வேட்பு மனுவை July 15 தாக்கல் செய்தார்.
Ontario மாகாணத்தின் பல்வேறு நகரசபை பதவிகளுக்கான வேட்புமனு தாக்கல் கடந்த May மாதம் அதிகாரபூர்வமாக ஆரம்பித்தது.
பல்வேறு நகரசபை பதவிகளுக்கான தேர்தல் October 26-ஆம் திகதி Ontario மாகாணத்தில் நடைபெறுகிறது.
இதில் Toronto நகரசபையின் 25-வது வட்டாரத்தில் போட்டியிட தமிழரான நீதன் சான் வேட்புமனு தாக்கல் செய்துள்ளார்.
இந்தத் தொகுதியில் போட்டியிட இம்முறை வேட்புமனு தாக்கல் செய்துள்ள முதலாவது தமிழர் இவராவார்.
இதுவரை இந்தத் தொகுதியில் மொத்தம் ஆறு வேட்பாளர்கள் வேட்புமனு தாக்கல் செய்துள்ளனர்.
இந்தத் தொகுதியின் நகரசபை உறுப்பினராக நீதன் சான் கடந்த September மாதம் தெரிவானார்.
நாடாளுமன்ற உறுப்பினர் Jennifer McKelvie வகித்து வந்த நகரசபை உறுப்பினர் பதவிக்கான இடைத் தேர்தலில் நீதன் சான் வெற்றி பெற்றார்.
மொத்தம் 20 வேட்பாளர்கள் போட்டியிட்ட இந்த இடைத்தேர்தலில் நீதன் சான் 27 சதவீதமான வாக்குகளை பெற்றார்.
அவர் எட்டு ஆண்டுகளுக்கு முன்னர் Scarborough-Rouge River தொகுதியை சிறிய காலத்திற்கு பிரதிநிதித்துவப்படுத்தினார்.
அண்மையில் நீதான் சான், Toronto கல்விச் சபையின் தலைவராக பணியாற்றினார்,
அந்த கல்விச் சபையின் அதிகாரங்கள் June மாதத்தில் முதல்வர் Doug Ford அரசாங்கத்தால் பறிக்கப்பட்டன.
இந்த நிலையில் நீதன் சான் மீண்டும் தனது நகரசபை உறுப்பினர் பதவிக்கு தேர்தலில் போட்டியிட வேட்புமனு தாக்கல் செய்துள்ளார் என்பது இங்கு குறிப்பிடத்தக்கது.
