இஸ்ரேலிய பிரதமர் கனடாவுக்குப் பயணம் மேற்கொண்டால் அவர் கைது செய்யப்படுவார் என கனடிய பிரதமர் தெரிவித்தார்.
வெள்ளிக்கிழமை (17) வெளியான இங்கிலாந்தின் பத்திரிகையாளருக்கு அளித்த பேட்டியில் பிரதமர் Mark Carney இந்தக் கருத்தை தெரிவித்தார்.
இந்தப் போட்டியில் பல்வேறு விடயங்கள் குறித்து உரையாடிய கனடிய பிரதமர், இஸ்ரேலிய பிரதமர் Benjamin Netanyahu கனடாவுக்கு பயணம் மேற்கொண்டால் அவர் கைது செய்யப்படுவார் எனவும் கூறினார்.
பாலஸ்தீன அரசை அங்கீகரித்த பின்னர் கனடாவின் அடுத்த நடவடிக்கைகள் குறித்தும் Mark Carney இந்த பேட்டியில் பேசினார்.
இறுதி இலக்கு “இஸ்ரேல் அரசுடன் இணைந்து, அமைதி, பாதுகாப்பை நிலைநாட்டும் ஒரு சுதந்திரமான, சாத்தியமான பாலஸ்தீன நாடு” என Mark Carney கூறினார்.
1947-ஆம் ஆண்டு முதல், கனடிய அரசாங்கத்தின் நிலைப்பாடு இரு-நாடு தீர்வை ஆதரிப்பதாகும் என கடந்த மாதம் பாலஸ்தீன அரசை அதிகாரப்பூர்வமாக அங்கீகரித்தபோது Mark Carney கூறியிருந்தார்.
கனடிய அரசின் இந்த முடிவு Hamas பயங்கரவாதிகளுக்கு வெகுமதி அளிக்கும் நடவடிக்கை என யூத குழுக்கள் கண்டித்தன.
ஆனாலும் இந்த அங்கீகாரம் “இஸ்ரேல் அரசு, அதன் மக்கள், அவர்களின் பாதுகாப்பிற்கான” கனடாவின் ஆதரவை சமரசம் செய்யாது என Mark Carney உறுதியளித்தார்.
