Billy Bishop விமான நிலைய நிலத்தை Toronto நகரத்திடம் திருப்பி வழங்கும் எண்ணம் இல்லை என Doug Ford அரசாங்கம் தெரிவித்தது.
இந்த விமான நிலைய விரிவாக்கத்தை தடுப்பதில், மத்திய அரசாங்கம் ஒரு ‘சிறு குழுவின்’ கோரிக்கைகளை செவிமடுத்ததாக Ontario மாகாண போக்குவரத்து துறை அமைச்சர் தெரிவித்தார்.
Toronto Billy Bishop விமான நிலையத்தை விரிவுபடுத்துவதற்கான திட்டங்கள் மத்திய அரசால் நிறுத்தி வைக்கப்பட்டுள்ளதாக மத்திய போக்குவரத்து துறை அமைச்சர் Steven MacKinnon அண்மையில் அறிவித்தார்.
முன்மொழியப்பட்ட Billy Bishop விமான நிலைய விரிவாக்கம் குறித்து Transport கனடா நடத்திய ஆய்வில், அப்பகுதி மக்களிடம் இருந்து 87 ஆயிரத்திற்கும் மேற்பட்ட கருத்துகள் பெறப்பட்டதை தொடர்ந்து இந்த முடிவு எடுக்கப்பட்டுள்ளது.
மத்திய அரசாங்கத்தின் இந்த முடிவு குறித்து ஏமாற்றமடைந்ததாக கூறிய Ontario மாகாண போக்குவரத்து துறை அமைச்சர் Prabmeet Sarkaria, விமான நிலைய விரிவாக்கத்திற்கான முயற்சிகளை தொடர்ந்து முன்னெடுப்பதாக உறுதியளித்தார்.
Toronto-வில் உள்ள ஒரு சிறிய எண்ணிக்கையானவர்கள் பேச்சை செவிமடுத்த மத்திய அரசின் நகர்வு இது எனவும் அவர் கூறினார்.
இதில் Mark Carney அரசாங்கத்தின் நடவடிக்கையை விமர்சித்த Prabmeet Sarkaria, அது தொலைநோக்கு நோக்கமற்றது எனவும், பெரிய உள்கட்டமைப்புத் திட்டங்களைச் செயல்படுத்துவதற்கு இது ஒரு மோசமான அறிகுறி எனவும் குறிப்பிட்டார்.
Billy Bishop விமான நிலையத்தை நவீனமயமாக்கும் முயற்சியை தொடர்ந்து முன்னெடுத்துச் செல்லும் எனவும் அமைச்சர் தெரிவித்தார்.
