அடுத்த வாரம் திறக்கப்படவுள்ள Gordie Howe சர்வதேசப் பாலத்தின் திறப்பு விழாவை கொண்டாடினர்.
இந்தப் பாலத்தின் கனடியப் பகுதியான Ontario மாகாணத்தின் Windsor நகரில் நடைபெற்ற கனடாவிற்கு மட்டுமான நாடா வெட்டும் விழாவில் கனடிய அதிகாரிகள் பங்கேற்றனர்.
கனடா அரசாங்கம், Ontario அரசாங்கம், Windsor-Detroit பால ஆணையம், Bridging North America ஆகியவற்றின் பிரதிநிதிகள், முதற்குடியினர் சமூக பிரதிநிதிகள், Gordie Howe குடும்ப உறுப்பினர்களும் வெள்ளிக்கிழமை (24) நடைபெற்ற அதிகாரப்பூர்வ திறப்பு விழாவில் பங்கேற்றனர்.
மத்திய அமைச்சர் Gregor Robertson, Ontario மாகாண முதல்வர் Doug Ford, Windsor நகர முதல்வர் Drew Dilkens, Gordie Howeவின் இளைய மகனான Dr. Murray Howe உள்ளிட்டவர்கள் இந்த நிகழ்வில் பங்கேற்றனர்.
கனடா, அமெரிக்கா இடையிலான கூட்டு திறப்பு நிகழ்ச்சி இரத்து செய்யப்பட்டதை தொடர்ந்து, வெள்ளியன்று நடைபெற்ற நாடா வெட்டும் நிகழ்வில் அமெரிக்க அதிகாரிகள் எவரும் கலந்து கொள்ளவில்லை.
அமெரிக்கா விடுத்த வர்த்தக நடவடிக்கை தொடர்பான அச்சுறுத்தலைக் கருத்தில் கொண்டு, இரு நாடுகளுக்கும் இடையிலான இணைந்த கொண்டாட்ட நிகழ்வு இறுதி நேரத்தில் இரத்து செய்யப்பட்டது.
வெள்ளியன்று நாடா வெட்டும் நிகழ்ச்சி நடைபெற்றுக் கொண்டிருந்தபோது, அந்த விழாவிலிருந்து அமெரிக்கா விலக்கி வைக்கப்பட்டது என அமெரிக்க ஜனாதிபதி Donald Trump இணையத்தில் பதிவிட்டார்.
Windsor நகரையும் Michigan மாநிலத்தின் Detroit நகரையும் இணைக்கும் இந்த பாலத்திற்கு, கனடிய hockey வீரரின் பெயர் சூட்டப்பட்டுள்ளது.
இந்தப் பாலம் திங்கட்கிழமை (27) நண்பகல் மக்கள் பாவனைக்கு திறக்கப்படும் என எதிர்பார்க்கப்படுகிறது.
ஆனாலும் திங்களன்று பாலம் திறக்கப்படும் என எதிர்பார்க்கப்படுவதை அமெரிக்க அதிகாரிகள் எவரும் உறுதிப்படுத்தவில்லை.
மேலும், அமெரிக்கத் தரப்பில் எந்த ஒரு விழா குறித்த அறிவிப்பும் இதுவரை வெளியாகவில்லை.
Gordie Howe சர்வதேசப் பாலத்தின் திறப்பு விழா பல்வேறு காரணங்களுக்காக நீண்ட காலமாகத் தாமதமாகி வந்தது இங்கு குறிப்பிடத்தக்கது.
