Gordie Howe சர்வதேச பால ஒப்பந்தத்தின் விவரங்கள், பிரதமர் Mark Carney தெரிவித்த விவரங்களுக்கு முரணாகத் தோன்றுகிறது.
அரசியல் அழுத்தங்களுக்கு மத்தியில் Gordie Howe சர்வதேச பால ஒப்பந்தத்தின் விவரங்கள் வெளியிடப்பட்டன.
கனடா, அமெரிக்கா இடையே ஒப்புக்கொள்ளப்பட்ட வருவாய் பகிர்வு குறித்த முரண்பாடான தகவல்கள், கேள்விகளுக்கு மத்தியில் Gordie Howe சர்வதேச பாலத்தைத் திறப்பதற்கான ஒப்பந்தத்தின் விவரங்கள் செவ்வாய்க்கிழமை (22) வெளியிடப்பட்டன.
அண்மைய அரசியல் பதற்றங்களுக்கு மையமாகத் திகழ்ந்த, Ontario மாகாணத்தின் Windso நகருக்கு அருகில் நீண்டகாலமாக எதிர்பார்க்கப்பட்ட Gordie Howe சர்வதேசப் பாலத்தைத் திறப்பது தொடர்பான அமெரிக்காவுடனான சர்ச்சைக்குரிய ஒப்பந்தத்தின் விவரங்களை கனடிய அரசாங்கம் வெளியிட்டுள்ளது.
காலதாமதமான அந்தப் பாலத்தை July 27 அன்று திறப்பதாக கனடிய மத்திய அரசு அறிவித்து 10 நாட்களுக்கும் மேலான நிலையில், இது குறித்த அதிகாரப்பூர்வ விவரங்கள் வெளியாகியுள்ளது.
இந்த சர்வதேச பால ஒப்பந்தத்தின் விவரங்கள் பிரதமர் Mark Carney முன்னர் தெரிவித்த கருத்துகளுக்கு முரணாக உள்ளது.
இந்த ஒப்பந்தம் “கொள்கை அளவில் முன்மொழியப்பட்ட ஓர் ஒப்பந்தம்” என விவரிக்கப்பட்டுள்ளது.
இது 2012-இல் கையெழுத்தான கனடா-Michigan கடப்பு ஒப்பந்தத்திற்கு இணையாகச் செயல்படக்கூடியதாகும்.
இந்தப் பாலம், கடப்பு பாதை தொடர்பான நிகர வருவாயில் 50 சதவீதத்தை, முதல் பதினைந்து ஆண்டுகளுக்கு அமெரிக்காவுடன் கனடா பகிர்ந்துகொள்ளும் என அந்த ஒப்பந்தம் கூறுகிறது.
ஆனாலும் இந்த ஒப்பந்தத்தின் வாசகங்கள் இரு தரப்பினாலும் தீவிர ஆய்வுக்கு உட்படுத்தப்பட்டுள்ளன.
