அமெரிக்க ஜனாதிபதியை மிரட்டியதாக RCMP அதிகாரி மீது குற்றம் சாட்டப்பட்டுள்ளது.
Quebec மாகாணத்தைச் சேர்ந்த RCMP அதிகாரி ஒருவர், அமெரிக்க ஜனாதிபதி Donald Trump-பை இணையத்தில் மிரட்டியதாக குற்றம் சாட்டப்பட்டுள்ளது.
கடந்த ஆண்டு Alberta மாகாணத்தில் நடைபெற்ற G7 உச்சி மாநாட்டில் பாதுகாப்பு நடவடிக்கைகளை மேற்பார்வையிட இந்த RCMP அதிகாரி பணியமர்த்தப்பட்டிருந்தார்.
RCMP-யின் கூற்றுப்படி, Quebec மாகாணத்தின் St-Jean-sur-Richelieu-வைச் சேர்ந்த 34 வயதான Evenson Dumerlus, தனது Snapchat கணக்கில் ஒரு காணொளியை பதிவிட்டதாகக் கூறப்படுகிறது.
அதில் அவர் ஜனாதிபதியை நோக்கி அச்சுறுத்தும் கருத்துக்களைத் தெரிவித்ததாக கூறப்படுகிறது.
Kananaskis, Alberta-வில், G77 உச்சிமாநாடு நடைபெற்றுக் கொண்டிருந்தபோது, கூறப்படும் இந்தச் சம்பவங்கள் நடந்ததாக RCMP தெரிவித்தது.
2025 June 15 முதல் 17 வரை நடைபெற்ற இந்த உச்சி மாநாட்டில் Donald Trump கலந்து கொண்டார்.
மற்றொரு அதிகாரி இந்தக் காணொளியைப் பற்றித் தெரிவித்ததை அடுத்து, RCMP சிறப்புப் புலனாய்வு பிரிவு விசாரணையை தன் பொறுப்பில் எடுத்துக் கொண்டது.
அதனைத் தொடர்ந்து Evenson Dumerlus தனது பதவியிலிருந்து நீக்கப்பட்டதோடு, அவர் மீது மிரட்டல் விடுத்ததாக ஒரு குற்றச்சாட்டு சுமத்தப்பட்டுள்ளது.
அவர் July 30 அன்று St-Jean-sur-Richelieu நீதிமன்றத்தில் முன்னிலையாக உள்ளார்.
இவருக்கு எதிரான குற்றசாட்டுகள் எதுவும் இதுவரை நீதிமன்றத்தில் நிருபிக்கப்படவில்லை.
