வடக்கு Ontario-வில் இருந்து ஆயிரக்கணக்கானவர்கள் வெளியேற்றப்பட்டு வருகின்றனர்.
வடக்கு Ontario-வில் நூற்றுக்கணக்கான காட்டுத்தீகள் பரவி வருவதால், மக்களை அங்கிருந்து வெளியேற்றும் பணிகள் தொடர்ந்து நடைபெற்று வருகின்றன.
Armstrong, Whitesand First Nation, Collins First Nation, Gakijiwanong Anishinaabe Nation (Lac La Croix First Nation) அதைச் சுற்றியுள்ள பகுதி, Lac des Mille Lacs First Nation அதைச் சுற்றியுள்ள பகுதியில் இருந்து மக்கள் வெளியேற்றப்படுகின்றனர்.
மக்களை வெளியேற்றும் பணிகளுக்கு உதவுவதாக Ontario மாகாணக் காவல்துறை (OPP) வியாழக்கிழமை (16) தெரிவித்தது.
அந்தப் பகுதியில் பல வீதிகள் அந்தப் பகுதியில் இருந்து வெளியேறும் சில உள்ளூர் வாகனப் போக்குவரத்தை தவிர மக்கள் போக்குவரத்துக்கு மூடப்பட்டுள்ளது.
ஏனைய சமூகங்களும் கண்காணிக்கப்பட்டு வருவதாகவும் மேலதிக வெளியேற்ற உத்தரவுகள் அல்லது அறிவுறுத்தல்கள் பிறப்பிக்கப்பட்டால் விரைவாகச் செயல்படத் தயாராக இருக்குமாறும், நிலவரம் குறித்து தொடர்ந்து விழிப்புடன் இருக்குமாறும் அப்பகுதி மக்கள் கேட்டுக்கொள்ளப்படுகிறார்கள் எனவும் OPP தெரிவித்துள்ளது.
Ontario அரசாங்கத்தின் தரவுகளின்படி, புதன்கிழமை (15) இரவு 8 மணி நிலவரப்படி வடமேற்குப் பகுதியில் 136 காட்டுத்தீகள் தீவிரமாக எரிந்து கொண்டிருந்தன.
அவற்றில் 63 கட்டுப்பாட்டிற்குள் இல்லாதவையாக கருதப்படுகின்றன.
மாறிக்கொண்டு இருக்கும் கணிக்க முடியாத சூழ்நிலைக்கு மத்தியில் கட்டாய வெளியேற்ற உத்தரவு பிறப்பிக்கப்பட்டுள்ள பகுதிகளுக்குச் செல்ல வேண்டாம் என அப்பகுதி மக்களுக்கு OPP கடுமையாக அறிவுறுத்தியுள்ளது.
