Mississauga நகர முதல்வர் பதவிக்கான போட்டியில் முன்னாள் நகர முதல்வர் அதிகாரப்பூர்வமாக களமிறங்கினார்.
Mississauga நகர முதல்வர் தேர்தலில் போட்டியிடும் எண்ணத்தை Bonnie Crombie உத்தியோகபூர்வமாக அறிவித்தார்.
மாகாண அரசியலில் ஈடுபடுவதற்காக Mississauga நகர முதல்வர் பதவியை விட்டு விலகி இரண்டு ஆண்டுகளுக்குப் பின்னர், அதே பதவிக்கு மீண்டும் போட்டியிட Bonnie Crombie தனது பெயரை பதிவு செய்துள்ளார்.
இறுதியாக Mississauga நகர முதல்வர் பதவிக்காக போட்டியிட்ட போது அவர் 78 சதவீத வாக்குகளைப் பெற்றார்.
Mississauga நகர முதல்வர் செயலற்றவராகவும், ஈடுபாடற்றவராகவும் உள்ளார் என அவர் கூறினார்.
Mississauga நகரத்தின் நலன்களை கருத்தில் கொண்டு தான் எப்போதும் செயல்பட்டு வருவதாக Bonnie Crombie தனது வேட்புமனுவை தாக்கல் செய்த பின்னர் குறிப்பிட்டார்.
ஆனாலும் அவரது எதிர்ப்பாளர்கள் உண்மை நிலை அவ்வாறு அல்ல என கூறுகின்றனர்.
Bonnie Crombie மீண்டும் நகரசபை அரசியலுக்கு திரும்புவது குறித்து அவரது போட்டியாளர்கள் கடுமையான விமர்சனங்களை முன்வைத்துள்ளனர்.
Bonnie Crombie 2014 முதல் 2024 வரை, ஒரு தசாப்த காலமாக Mississauga நகரத்தின் முதல்வராக இருந்தார்.
2023-ல் Ontario Liberal கட்சித் தலைமைப் போட்டியில் வெற்றி பெற்ற பின்னர், அவர் தனது பதவியிலிருந்து விலகி மாகாண அரசியலில் நுழைந்தார்.
February 2025-ல் Doug Ford தலைமையிலான PC கட்சியிடம் தேர்தலில் தோல்வியடைந்ததை தொடர்ந்தும், September-ல் தனது கட்சியின் பலவீனமான தலைமை மதிப்பாய்வின் காரணமாகவும் Liberal கட்சித் தலைவர் பதவியில் இருந்து விலகிய ஒரு வருடத்திற்கும் குறைவான காலத்தில், Bonnie Crombie மீண்டும் நகரசபை அரசியலுக்குத் திரும்புகிறார்.
Bonnie Crombie நகரசபைத் தேர்தலில் பலத்த போட்டி நிறைந்த களத்தில் நுழைகிறார்.
Mississauga நகர முதல்வர் பதவிக்கு போட்டியிட இதுவரை மொத்தம் ஒன்பது வேட்பாளர்கள் ஏற்கனவே பதிவு செய்துள்ளனர்.
இதில் Mississauga நகர முதல்வர் Carolyn Parrish, நகரசபை உறுப்பினர் Dipika Damerla, நகரசபை உறுப்பினர் Alvin Tedjo,ஆகியோர் அடங்குகின்றனர்.
இந்தத் தேர்தலில் வாக்காளர்கள் October 26 அன்று வாக்களிக்கின்றனர்.
