சுமார் $1 மில்லியன் மதிப்பிலான திருடப்பட்ட பொருட்கள் மீட்கப்பட்டுள்ளன.
Mississauga நகர Holt Renfrew விற்பனை நிலையத்தில் இருந்து உயர்ரக பொருட்கள் திருடப்பட்ட சம்பவம் குறித்த விசாரணையில் திருடப்பட்ட பொருட்கள் மீட்கப்பட்டுள்ளதாக Peel பிராந்திய காவல்துறையினர் தெரிவித்தனர்.
Mississauga நகர Holt Renfrew விற்பனை நிலையத்தில் இருந்து சந்தேக நபர் ஒருவர் உயர்ரக பொருட்களைத் திருடிச் சென்றதாகக் கூறப்பட்டதை தொடர்ந்து இந்த விசாரணை ஆரம்பமானது.
Square One வணிக வளாகத்தில் உள்ள Holt Renfrew விற்பனை நிலையம் April 30 அதிகாலை நேரத்தில் உடைக்கப்பட்டு பொருட்கள் திருடப்பட்டதாக காவல்துறையினர் தெரிவித்தனர்.
Video கண்காணிப்புப் பதிவுகளை விரிவாக ஆய்வு செய்த பின்னர் சந்தேக நபரை அதிகாரிகள் அடையாளம் கண்டனர்.
Mississauga நகரைச் சேர்ந்த 41 வயதான Amir Nikbakht என அடையாளம் காணப்பட்ட சந்தேக நபர் கைது செய்யப்பட்டு, அவர் மீது குற்றச்சாட்டுகள் பதிவு செய்யப்பட்டன.
நன்னடத்தை கண்காணிப்பு விதிமுறைகளை மீறுதல் உள்ளிட்ட பல குற்றச்சாட்டுகளை அவர் எதிர்கொள்கிறார்.
இவருக்கு எதிரான குற்றசாட்டுகள் எதுவும் நீதிமன்றத்தில் நிரூபிக்கவில்லை.
சந்தேக நபரின் இல்லத்தில் தேடுதல் நடவடிக்கையை முன்னெடுத்த அதிகாரிகள் சுமார் $1 மில்லியன் மதிப்புள்ள நகைகள், அதிஸ்டலாபச் சீட்டுகள், பிற பொருட்களை மீட்டனர்.
திட்டமிட்ட சில்லறை விற்பனைக் கடைகள் திருட்டுச் சம்பவங்கள் பரவலான ஒரு சவாலாக மாறியுள்ளதாக காவல்துறையினர் தெரிவிக்கின்றனர்.
