நாடாளுமன்ற உறுப்பினர் பதவிக்கு போட்டியிடும் ஆர்வத்த John Tory Jr. வெளிப்படுத்தினார்.
முன்னால் Toronto நகர முதல்வர் John Tory-யின் புதல்வரான இவர், Liberal கட்சியின் சார்பில் போட்டியிடும் எண்ணத்தை வெளிப்படுத்தியுள்ளார்.
John Tory முன்னாள் Ontario மாகாண Progressive Conservative கட்சியின் தலைவராவார்.
ஆனாலும் தந்தையின் நிலைப்பாட்டிலிருந்து மாறுபட்டு மத்திய ரீதியில் Liberal கட்சியில் போட்டியிட தான் ஈர்க்கப்பட்டதாக John Tory Jr. கூறினார்.
நாடாளுமன்ற உறுப்பினர் பதவிக்கு Beaches-East York தொகுதியில் Liberal கட்சியின் சார்பில் போட்டியிட 47 வயதான அவர் திட்டமிட்டுள்ளார்.
Beaches-East York தொகுதியில் நடைபெறும் என எதிர்பார்க்கப்படும் இடைத்தேர்தலில் Liberal கட்சிக்கான வேட்பாளர் தேர்வுப் போட்டி நடந்தால் அதில் போட்டியிட விரும்புவதாக John Tory Jr. தெரிவித்தார்.
இந்த வேட்பாளர் தேர்வு போட்டியில் போட்டியிடுவதற்கான தங்கள் விருப்பத்தை வெளிப்படுத்தியுள்ள குறைந்தது மூன்று வலுவான போட்டியாளர்களை John Tory Jr. எதிர்கொள்வார் என எதிர்பார்க்கப்படுகிறது.
இந்த அதிகாரப்பூர்வமற்ற வேட்பாளர்கள் பட்டியலில் Arthur Potts. Claire Seaborn, Summer Nudel ஆகியோர் அடங்குகின்றனர்.
இருப்பினும், பிரதமர் Mark Carney ஒரு வேட்பாளரை நியமித்து, இங்கு வேட்பாளர் நியமனம் போட்டியை முற்றிலுமாகத் தவிர்க்கவும் வாய்ப்புள்ளது.
University-Rosedale, Scarborough தென்மேற்கு ஆகிய தொகுதிகளில் நடைபெற்ற இடைத்தேர்தல்கள் போது பிரதமர் இவ்வாறு செய்திருந்தார்.
Beaches-East York தொகுதியின் நாடாளுமன்ற உறுப்பினர் பதவி வெற்றிடமாகாத நிலையில் அங்கு இடைத் தேர்தல் இதுவரை அறிவிக்கப்படவில்லை.
Beaches-East York தொகுதியின் நாடாளுமன்ற உறுப்பினராக Nate Erskine-Smith பதவி வகிக்கிறார்.
Ontario Liberal தலைமை பதவியில் Nate Erskine-Smith ஆர்வம் வெளியிட்டார்.
கடந்த May மாதத்தில் Scarborough தென்மேற்கு தொகுதியில் Ontario மாகாண இடைத் தேர்தலுக்கான Ontario Liberal கட்சியின் வேட்பாளர் தேர்தலில் போட்டியிட்ட அவர் அதில் தோல்வி அடைந்தார்.
இதில் வாக்குப்பதிவு முறைகேடுகள் நடந்ததாக குற்றம் சாட்டி அவர் செய்த மேல்முறையீடு தோல்வி அடைந்ததை தொடர்ந்து, Nate Erskine-Smith இந்த கோடையில் நாடாளுமன்ற உறுப்பினர் பதவியில் இருந்து விலகவுள்ளதாக உறுதிப்படுத்தினார்.
Toronto நகர சபைத் தேர்தலில் போட்டியிடுவது குறித்து பரிசீலித்து வருவதாகவும் Nate Erskine-Smith அண்மையில் தெரிவித்திருந்தார் என்பது இங்கு குறிப்பிடத்தக்கது.
