FIFA உலகக் கோப்பை B பிரிவை வெற்றி பெறும் சந்தர்ப்பத்தை கனடா தவறவிட்டது.
சுவிட்சர்லாந்திடம் 2-க்கு 1 என்ற goal கணக்கில் கனடா தோல்வியடைந்தது.
சுவிட்சர்லாந்துக்கு எதிரான போட்டியில் வெற்றி பெற்றால் அல்லது சமன் செய்தால் B பிரிவை வெல்லக்கூடிய சாத்தியக்கூறு சாத்தியக்கூறு கனடாவுக்கு இருந்தது.
FIFA குழுநிலை போட்டிகளில் தனது மூன்றாவதும் இறுதியுமான ஆட்டத்தில் கனடா புதன்கிழமை (24) களம் இறங்கியது.
இதில் சுவிட்சர்லாந்திடம் தோல்வியடைந்து B பிரிவில் இரண்டாம் இடத்தை கனடா பிடித்துள்ளது.
கனடிய அணி காலிறுதிக்கு முந்தைய சுற்றுக்கு முன்னேறுவதற்கு 99 சதவீதத்திற்கும் அதிகமான வாய்ப்பைக் கொண்டுள்ள நிலையில் இந்த ஆட்டம் நடைபெற்றது.
இந்தத் தோல்வியின் மூலம் Round of 32 சுற்றில் A பிரிவில் இரண்டாம் இடம் பிடித்த அணியை கனடா எதிர்கொள்ளும்.
இந்த ஆட்டம் ஞாயிற்றுக்கிழமை (28 ) Los Angeles நகரில் நடைபெற உள்ளது.
கடந்த வாரம் நடைபெற்ற போட்டியில் Qatar அணியை 6-0 என்ற goal கணக்கில் கனடா வீழ்த்தியது.
இதன் மூலம் சுவிட்சர்லாந்து அணிக்கு எதிரான ஆட்டத்தில் நுழையும்போது, goal வித்தியாசத்தின் அடிப்படையில் கனடா B பிரிவில் முதலிடத்தில் இருந்தது.
இந்த ஆட்டத்தில் வெற்றி பெற்றால் அல்லது சமன் செய்தால் கனடா தனது பிரிவில் முதலிடத்தை உறுதி செய்திருக்கும் என்பது இங்கு குறிப்பிடத்தக்கது.
