உலகளாவிய முதலீடு குறித்து தமிழ் வணிகத் தலைவர்கள் பங்கேற்ற கலந்துரையாடலில் Toronto நகர முதல்வர் கலந்து கொண்டார்.
Toronto நகர முதலீட்டை அதிகரிப்பது குறித்து Toronto Global என்ற நிறுவனம் 50 தமிழ் வணிகத் தலைவர்களை சந்தித்தது.
இந்நிகழ்வை, Toronto Global தலைவர் Rod Phillips, தலைமை நிர்வாக அதிகாரி Stephen Lund ஆகியோர் தலைமை தாங்கினர்.
Toronto நகருக்கு சர்வதேச நிறுவனங்களையும் முதலீடுகளையும் ஈர்க்கும் அமைப்பான Toronto Global, நகரத்திற்கு மேலும் முதலீடுகளை ஈர்க்க தமிழர் சமூகம் எவ்வாறு உதவலாம் என்பது குறித்து கலந்துரையாடுவதற்காக 50 தமிழ் வணிகத் தலைவர்களை சந்தித்தது.
இந்த சந்திப்பு Centennial கல்லூரி நிகழ்வு மையத்தில் செவ்வாய்க்கிழமை (23) நடைபெற்றது.
இந்த சந்திப்பில் உரையாற்றிய Toronto நகர முதல்வர் Olivia Chow, தமிழர் சமூகத்தின் உலகளாவிய தொடர்புகளை சுட்டிக்காட்டினார்.
இலங்கை, ஐக்கிய இராச்சியம், மத்திய கிழக்கு நாடுகளில் இருந்து முதலீடுகளைப் பெறுவதற்கான உறவுகளை ஆழப்படுத்துவது இந்தக் கலந்துரையாடலின் நோக்கமாக அமைந்தது.
