Peel பிராந்திய காவல்துறை அதிகாரி மீது துப்பாக்கி பிரயோகம் மேற்கொண்ட குற்றச்சாட்டை Brampton நபர் ஒருவர் எதிர்கொள்கிறார்.
நீதிமன்ற உத்தரவின் பேரில் துப்பாக்கி வைத்திருக்க தடை விதிக்கப்பட்டுள்ள இவர் மீது குற்றச்சாட்டு பதிவாகியுள்ளது.
Mississauga நகரில் காவல்துறை அதிகாரி மீது ஞாயிற்றுக்கிழமை 921) காலை துப்பாக்கியால் சுட்டதாக கூறப்பட்டதை தொடர்ந்து இவர் மீது குற்றச்சாட்டு பதிவாகியுள்ளது.
இதில் சந்தேக நபராக 24 வயதான Isaiah Bachoo அடையாளம் காணப்பட்டுள்ளார்.
இவர் இந்தச் சம்பவத்தின் போது காயமடைந்ததாக தெரியவருகிறது.
அவர் கைது செய்யப்பட்டு, உயிருக்கு ஆபத்தில்லாத காயங்களுடன் மருத்துவமனைக்கு கொண்டு செல்லப்பட்டார்.
இதில் சந்தேக நபர் எவ்வாறு காயமடைந்தார் என்ற விபரத்தை காவல்துறையினர் வெளியிடவில்லை.
பின்னர் அவர் மருத்துவப் பரிசோதனையில் இருந்து விடுவிக்கப்பட்டு காவல்துறை காவலில் ஒப்படைக்கப்பட்டார்.
இந்தச் சம்பவத்தின் போது இரண்டு அதிகாரிகள் காயமடைந்ததாக Peel காவல்துறை தெரிவித்துள்ளது.
இவர்கள் இருவரும் சிறு காயங்களுக்கு உள்ளாகினர்.
எமது சமூகங்களைப் பாதுகாப்பாக வைத்திருக்க பணியாற்றும் அதிகாரிகள் ஒவ்வொரு நாளும் எதிர்கொள்ளும் ஆபத்துகளுக்கு இது மற்றொரு நினைவூட்டலாகும் என Peel பிராந்திய காவல்துறை தலைமை அதிகாரி நிஷான் துரையப்பா தெரிவித்தார்.
