FIFA 2026 உலகக் கோப்பை உதைபந்தாட்ட தொடரின் இரண்டாவது ஆட்டத்தில் கனடா வியாழக்கிழமை (18) போட்டியிடுகிறது.
Vancouver நகரில் Qatar அணிக்கு எதிராக இந்த ஆட்டம் நடைபெறுகிறது.
கடந்த வெள்ளிக்கிழமை (12) நடைபெற்ற முதலாவது ஆட்டத்தில் 30-வது தரவரிசையில் உள்ள கனடா தனது முதல் உலகக் கோப்பை புள்ளியை பெற்றது.
இந்த உலகக் கோப்பை உதைபந்தாட்ட தொடரின் முதலாவது ஆட்டத்தில் கனடா சமன் செய்தது.
வரலாற்றில் முதல் முறையாக, FIFA 2026 உலகக் கோப்பை உதைபந்தாட்ட போட்டி வெள்ளிக்கிழமை கனடாவில் நடைபெற்றது.
இந்த ஆட்டத்தில் சொந்த மண்ணில் Bosnia-Herzegovina அணியுடன் 1-1 என்ற goal கணக்கில் சமன் செய்ததைத் தொடர்ந்து, கனடா தனது முதல் உலகக் கோப்பை புள்ளியை பெற்றது.
இந்த நிலையில் ஒரு வெற்றியை குறிவைத்து கனடாவின் அடுத்த இரண்டு ஆட்டங்கள் Vancouver நகரில் நடைபெறுகின்றன.
வியாழன் நடைபெறும் 56-வது தரவரிசையில் உள்ள Qatar அணிக்கு எதிரான இரண்டாவது ஆட்டத்தை தொடர்ந்து, கனடிய அணியின் மூன்றாவது ஆட்டம் 19-வது தரவரிசையில் உள்ள Switzerland அணிக்கு எதிராக June 24 நடைபெறுகிறது.
இதில் ஒரு வெற்றி கனடா அணிக்கு ஒரு வரலாற்றுச் சிறப்புமிக்கதாக அமையும்.
தவிரவும் இது குழுநிலை இறுதிப் போட்டிக்கு ஒரு உத்வேகத்தை கனடிய அணிக்கு வழங்கும்.
FIFA 2026 தொடரில் B பிரிவில் கனடிய அணி போட்டியிடுகிறது.
கனடா Bosnia-Herzegovina, Qatar, Switzerland ஆகிய அணிகளுடன் B பிரிவில் போட்டியிடுகிறது.
கனடாவின் குழுநிலை ஆட்டங்கள் மூன்றும் கனடாவிலேயே நடைபெறுவது குறிப்பிடத்தக்கது.
குழுநிலை போட்டிகளில் கனடா தனது பிரிவில் முதலிடம் பிடித்தால், July 2 நடைபெறும் 32 அணிகள் கொண்ட சுற்றுப் போட்டிக்காக அது Vancouver நகரில் தங்கியிருக்கும்.
