OPP அதிகாரி ஒருவர் பணி நேரத்தில் கொல்லப்பட்ட சம்பவத்தில் ஒரு சந்தேக நபர் கைதானார்.
Hearst பகுதியில் நடைபெற்ற ஒரு விசாரணையின்போது படுகாயமடைந்த Ontario மாகாண காவல்துறை அதிகாரி ஒருவர் உயிரிழந்துள்ளதாக அதிகாரிகள் செவ்வாய்க்கிழமை (09) தெரிவித்தனர்.
29 வயதான OPP அதிகாரி Tarun Bali கொல்லப்பட்டதாக OPP ஆணையர் Thomas Carrique தெரிவித்தார்.
OPP Dufferin பிரிவில் இரண்டரை ஆண்டுகள் பணியாற்றிய இவர், James Bay படை பிரிவுடன் பணியில் இருந்த போது மரணம் அடைந்தார் OPP உறுதிப்படுத்தியுள்ளது.
OPP அதிகாரிகள் விசாரணை ஒன்று முன்னெடுத்துக் கொண்டிருந்த சமயம் அவர்கள் மீது வாகனம் மோதியபோது சம்பவ இடத்தில் Tarun Bali உயிரிழந்ததாக அறிவிக்கப்பட்டுள்ளது.
இதில் 18 வயது இளைஞர் ஒருவர் கைது செய்யப்பட்டு, அவருக்கு எதிராக முதலாம் தர கொலைக் குற்றச்சாட்டு உட்பட குற்றச்சாட்டுகள் பதிவு செய்யப்பட்டுள்ளது.
இதில் குற்றம் சாட்டப்பட்டவர் தொடர்ந்து காவலில் வைக்கப்பட்டுள்ளார்.
அவருக்கு எதிரான குற்றச்சாட்டுக்கள் எதுவும் நீதிமன்றத்தில் நிரூபிக்கப்படவில்லை
இந்த விசாரணை தொடர்ந்து நடைபெற்று வருவதை காரணம் காட்டி, மாகாண காவல்துறை அவரது பெயரை வெளியிடவில்லை.
மாகாண காவல்துறையின் குற்றப் புலனாய்வுப் பிரிவு இந்த விசாரணையை முன்னெடுத்து வருகிறது.
இந்த சம்பவம் குறித்து காவல்துறை, அரசியல் தலைவர்கள் இரங்கல் தெரிவித்து வருகின்றனர்.
Ontario மக்களின் சார்பாக முதல்வர் Doug Ford தனது இரங்கலைத் தெரிவித்துள்ளார்.
