கனடாவின் அனைத்து பல்கலைக்கழகங்களும் உலகத் தர வரிசை பட்டியலில் பின்தங்கியுள்ளன.
தலைசிறந்த மேல் நிலைக் கல்வி நிறுவனங்களின் உலகளாவிய தரவரிசையில், ஏறக்குறைய அனைத்து கனடியப் பல்கலைக்கழகங்களும் பின்தங்கியுள்ளன.
உலக பல்கலைக்கழகத் தர வரிசை மையம் திங்கட்கிழமை வெளியிட்ட தரவரிசை பட்டியல்களின்படி, கனடாவின் தர வரிசைப் படுத்தப்பட்ட 38 பல்கலைக்கழகங்களில் 37, கடந்த ஆண்டை விட சரிவைச் சந்தித்துள்ளது.
ஒரு பல்கலைக்கழகம் அதன் நிலையைத் தக்க வைத்துக் கொண்டுள்ளது.
Toronto பல்கலைக்கழகம் உலக அளவில் 23-வது இடத்தைப் பிடித்து, கனடாவின் முதன்மை நிறுவனமாகத் தொடர்ந்து நீடித்தது.
கடந்த ஆண்டைப் போலவே Toronto பல்கலைக்கழகம் அதே நிலையில் உள்ளது.
McGill பல்கலைக்கழகம் ஒரு இடம் சரிந்து 28-வது இடத்திற்கு சென்றது.
அதேவேளையில், British Columbia பல்கலைக்கழகம் 48-வது இடத்திலிருந்து 49-வது இடத்திற்குச் சரிந்தது.
Alberta பல்கலைக்கழகம் உலக அளவில் 82-வது இடத்தைப் பிடித்தது.
Montreal பல்கலைக்கழகம் 126-வது இடத்தில் உள்ளது.
உலகத் தர வரிசை பட்டியலில் கனடாவின் முதல் 10 பல்கலைக்கழகங்கள்:
1. Toronto பல்கலைக்கழகம், உலகளவில் 23-வது இடம்,
2: McGill பல்கலைக்கழகம், உலகளவில் 28-வது இடம்,
3. British Columbia பல்கலைக்கழகம், உலகளவில் 49-வது இடம்,
4, Alberta பல்கலைக்கழகம், உலகளவில் 82-வது இடம்,
5. Montreal பல்கலைக்கழகம், உலகளவில் 126-வது இடம்,
6. Western பல்கலைக்கழகம், உலகளவில் 187-வது இடம்,
7. McMaster பல்கலைக்கழகம், உலகளவில் 190-வது இடம்,
8. Calgary பல்கலைக்கழகம், உலகளவில் 203-வது இடம்,
9. Waterloo பல்கலைக்கழகம், உலகளவில் 216-வது இடம்,
10. Ottawa பல்கலைக்கழகம், உலகளவில் 226-வது இடம்.
