பிரிவினைவாத விவாதத்திலிருந்து Alberta மீண்டு வருவதற்கு முன்னர் பொது வாக்கெடுப்பு அவசியம் என அந்த மாகாண முதல்வர் Danielle Smith தெரிவித்தார்.
தனது மாகாணத்தில் நடக்கும் பிரிவினைவாத விவாதம், எரிசக்தி அல்லது பிற தேசியத் திட்டங்களிலிருந்து கவனத்தைத் திசை திருப்பக் கூடாது என Danielle Smith கூறுகிறார்.
இந்த வார ஆரம்பத்தில் நடைபெற்ற மேற்கு பிராந்திய மாகாண முதல்வர்கள் மாநாட்டில் இந்த விடயம் மீண்டும் விவாதிக்கப்பட்ட நிலையில் முதல்வரின் இந்த கருத்து வெளியானது.
700,000 குடிமக்கள் ஒரு விடயம் குறித்து உரையாட விரும்புகிறோம் என கூறும்போது, முதல்வர் என்ற முறையில் அதை வாக்குச்சீட்டில் இடம்பெறச் செய்வது எனது கடமையாகும் என Danielle Smith கூறினார்.
October 19 நடைபெற இருக்கும் பொது வாக்கெடுப்பில், கனடாவிலிருந்து Alberta பிரிவது குறித்த ஒரு கேள்வியை இணைக்கவுள்ளதாக Danielle Smith கடந்த வார இறுதியில் அறிவித்தார்.
ஆனாலும் இந்தத் திட்டத்திற்கு எதிராக மேற்கு பிராந்திய முதல்வர்கள் கருத்து தெரிவிக்கின்றனர்.
மேற்கு கனடாவில் pipeline அமைப்பதற்காக மாகாணங்கள் மத்திய அரசாங்கத்துடன் இணைந்து செயல்படும் வேளையில், பொது வாக்கெடுப்பை ஒத்திவைக்குமாறு Manitoba முதல்வர் Wab Kinew வலியுறுத்தினார்.
பொது வாக்கெடுப்புக்குத் தனது எதிர்ப்பை மீண்டும் பதிவு செய்த British Colombia முதல்வர் David Eby, கனடாவில் இருந்து வெளியேறும் எண்ணத்தைக் கொண்டிருக்கும் ஒரு மாகாணத்துடன் தேசியத் திட்டங்களில் ஒத்துழைப்பது குறித்து கேள்வி எழுப்பினார்.
