முன்னாள் அமைச்சரும், நீண்டகால சுற்றுச்சூழல் ஆர்வலருமான Steven Guilbeault, பிரதமர் Mark Carney கட்சி குழுவில் இருந்து விலகுவதாக புதன்கிழமை (27) அறிவிப்பார் என எதிர்பார்க்கப்படுகிறது.
Liberal கட்சி குழுவில் இருந்து முன்னாள் சுற்றுச்சூழல் மற்றும் காலநிலை மாற்ற அமைச்சர் Steven Guilbeault விலகுவது குறித்து பரிசீலித்து வருவதாக தெரியவருகிறது.
தனது காலநிலை கொள்கை தொடர்பான கருத்து வேறுபாடு காரணமாக இந்த முடிவை அவர் எடுத்துள்ளதாக அரசாங்க வட்டாரங்கள் தெரிவிக்கின்றன.
அவர் இந்த வாரம் Liberal கட்சி குழுவில் இருந்து விலக கூடிய சாத்தியக் கூறு தோன்றியுள்ளது.
Justin Trudeau காலத்தின் காலநிலை கொள்கைகளை Mark Carney அரசு மீளப்பெறும் நிலையில் இந்த முடிவை Steven Guilbeault எடுத்துள்ளதாக கூறப்படுகிறது.
Alberta மாகாணத்துடன் மத்திய அரசாங்கத்தின் புதிய புரிந்துணர்வு ஒப்பந்தம் (MOU) இந்த முடிவின் மற்றொரு காரணியாக சுட்டிக்காட்டப்படுகிறது.
கடந்த November மாதம், இந்த ஒப்பந்தம் கையெழுத்தான சில மணி நேரங்களில் Steven Guilbeault அமைச்சரவையிலிருந்து விளக்கினார்.
அதுவரை அவர் Mark Carney அரசாங்கத்தில் கனடிய அடையாளம், கலாச்சார அமைச்சராக (Minister of Canadian identity and Culture) பணியாற்றி வந்தார்.
Steven Guilbeault நாடாளுமன்ற உறுப்பினராக தொடர்ந்தாலும், சுயேச்சை உறுப்பினராக செயல்படுவது குறித்து பரிசீலித்து வருவதாகவும், அடுத்த தேர்தலில் அவர் போட்டியிட வாய்ப்பில்லை எனவும் தகவல் அறிந்த வட்டாரங்கள் தெரிவிக்கின்றன.
Steven Guilbeault அலுவலகம் இந்த முடிவு குறித்து எந்த பதிலையும் வழங்கவில்லை.
பிரதமர் அலுவலகமும் இந்த விடயம் குறித்து இதுவரை கருத்து எதையும் தெரிவிக்கவில்லை.
செவ்வாய்க்கிழமை (26) காலை அமைச்சரவை கூட்டத்திற்கு சென்றுகொண்டிருந்தபோது, இந்த பதவி விலகல் குறித்த ஊடகவியலாளர்களின் கேள்விக்கு பிரதமர் Mark Carney பதிலளிக்கவில்லை.
Liberal கட்சியில் இருந்து Steven Guilbeault முழுமையாக விலகுவார் என்ற எதிர்பார்ப்புகள் சமீப வாரங்களில் அதிகரித்துள்ளன
Steven Guilbeault Liberal கட்சி குழுவில் இருந்து விலகுவது, சபையில் உள்ள அதிகார சமநிலையை மாற்றாது.
ஆனால் கட்சி தாவல்கள், கடந்த மாதம் நடைபெற்ற இடைத்தேர்தல்கள் மூலம் Mark Carney பெற்றிருந்த பெரும்பான்மையை மேலும் பலவீனப்படுத்தும் என்பது குறிப்பிடத்தக்கது.
