Ontario Liberal கட்சியின் Scarborough Southwest தொகுதி வேட்பாளர் தெரிவு குறித்த கட்சியின் அதிகாரப்பூர்வ மேல்முறையீட்டு விசாரணை புதன்கிழமை (20) நடைபெறவுள்ளது.
Scarborough Southwest தொகுதி Ontario Liberal கட்சி உறுப்பினர்கள் இடைத்தேர்தலுக்காக தமது வேட்பாளரை May 9-ஆம் திகதி தேர்ந்தெடுத்தனர்.
இந்த வேட்பாளர் தேர்வு நியாயத்தன்மை குறித்து வேட்பாளர்களில் ஒருவரான Liberal நாடாளுமன்ற உறுப்பினர் Nate Erskine-Smith சந்தேகம் எழுப்பினார்.
நியமனத் தேர்தலில் குறைந்த எண்ணிக்கை வாக்கு வித்தியாசத்தில் Ahsanul Hafiz-இடம் தோல்வி அடைந்த அவர், முடிவுகள் அறிவிக்கப்பட்ட பின்னர் அந்த செயல்முறை மீது சந்தேகத்தை எழுப்பினார்.
இந்த நியமனத் தேர்தலில் வாக்காளர் அடையாள அட்டைகளில் சிக்கல்கள் இருந்ததாக கூறிய அவர், தேர்தல் முடிவை எதிர்த்து மேல்முறையீடு செய்த நிலையில் கட்சியின் அதிகாரப்பூர்வ மேல்முறையீட்டு விசாரணை முன்னெடுக்கப்படுகிறது.
முன்னாள் Ontario மாகாண சபை உறுப்பினரும், அமைச்சருமான David Zimmer தலைமையில் இந்த அதிகாரப்பூர்வ மேல்முறையீட்டு விசாரணை நடைபெறுகிறது.
அவரும், Scarborough Southwest தொகுதி வேட்பாளர் தெரிவுடன் எந்தத் தொடர்பும் இல்லாத ஏனைய இரண்டு நடுவர்களும், Nate Erskine-Smith முன்வைத்துள்ள குற்றச்சாட்டுகளை விசாரணை செய்யவுள்ளனர்.
இந்த மேல்முறையீட்டு விசாரணையின் முடிவு எப்போது வெளியாகும் என்ற விபரம் வெளியிடப்படவில்லை.
